Samriti Irani comeback on TV : ਅਦਾਕਾਰਾ ਤੋਂ ਰਾਜਨੇਤਾ ਬਣੀ ਸਮ੍ਰਿਤੀ ਇਰਾਨੀ ਮੁੜ ਇੱਕ ਵਾਰ ਫਿਰ ਤੋਂ ਟੀਵੀ ਉੱਤੇ ਵਾਪਸੀ ਕਰਨ ਜਾ ਰਹੀ ਹੈ। ਕਿਉਂਕਿ ਸਾਸ ਭੀ ਕਭੀ ਬਹੁ ਥੀ ਫੇਮ ਸਮ੍ਰਿਤੀ ਇਰਾਨੀ ਜਲਦ ਹੀ ਅਨੁਪਮਾ ਸ਼ੋਅ 'ਚ ਨਜ਼ਰ ਆਵੇਗੀ।
ਦੱਸ ਦੇਈਏ ਕਿ ਇਹ ਅਨੁਪਮਾ ਸੀਰੀਅਲ ਦਰਸ਼ਕਾਂ ਵਿੱਚ ਕਾਫੀ ਮਸ਼ਹੂਰ ਹੈ ਅਤੇ ਟੀਆਰਪੀ ਦੀ ਰੇਸ ਵਿੱਚ ਕਿਸੇ ਹੋਰ ਸ਼ੋਅ ਨੂੰ ਆਪਣੇ ਸਾਹਮਣੇ ਨਹੀਂ ਆਉਣ ਦਿੰਦਾ। ਹੁਣ ਇਹ ਖਬਰਾਂ ਆ ਰਹੀਆਂ ਹਨ ਕਿ ਇਸੇ ਸ਼ੋਅ ਰਾਹੀਂ ਸਮ੍ਰਿਤੀ ਇਰਾਨੀ ਟੀਵੀ ਉੱਤੇ ਵਾਪਸੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
ਅਨੁਪਮਾ ਸ਼ੋਅ 'ਚ ਆ ਰਿਹਾ ਹੈ ਨਵਾਂ ਟਵਿਸਟ
ਅਨੁਪਮਾ ਸ਼ੋਅ ਵਿੱਚ 15 ਸਾਲ ਦੀ ਲੀਪ ਤੋਂ ਬਾਅਦ, ਕਹਾਣੀ ਪੂਰੀ ਤਰ੍ਹਾਂ ਬਦਲ ਜਾਵੇਗੀ। ਕਈ ਪੁਰਾਣੇ ਕਿਰਦਾਰਾਂ ਨੇ ਸ਼ੋਅ ਨੂੰ ਅਲਵਿਦਾ ਕਹਿ ਦਿੱਤਾ ਅਤੇ ਉਨ੍ਹਾਂ ਦੀ ਥਾਂ 'ਤੇ ਨਵੀਂ ਕਾਸਟ ਆਈ। ਅਲੀਸ਼ਾ ਪਰਵੀਨ ਯੰਗ ਆਧਿਆ ਅਤੇ ਸ਼ਿਵਮ ਖਜੂਰੀਆ ਪ੍ਰੇਮ ਦੀ ਭੂਮਿਕਾ ਨਿਭਾਅ ਰਹੀ ਹੈ। ਇਸ ਦੇ ਨਾਲ ਹੀ ਅੰਸ਼, ਮਾਹੀ, ਇਸ਼ਾਨੀ ਵੀ ਹੁਣ ਵੱਡੇ ਹੋ ਗਏ ਹਨ ਅਤੇ ਉਨ੍ਹਾਂ ਦੀਆਂ ਭੂਮਿਕਾਵਾਂ ਵਿੱਚ ਨਵੇਂ ਲੋਕ ਆਏ ਹਨ। ਇਸ ਦੌਰਾਨ
ਸਮ੍ਰਿਤੀ ਇਰਾਨੀ ਅਨੁਪਮਾ 'ਚ ਪ੍ਰਵੇਸ਼ ਕਰੇਗੀ
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਸਮ੍ਰਿਤੀ ਇਰਾਨੀ ਲੀਪ ਤੋਂ ਬਾਅਦ ਰਾਜਨ ਸ਼ਾਹੀ ਦੇ ਸ਼ੋਅ ਅਨੁਪਮਾ 'ਚ ਐਂਟਰੀ ਕਰ ਸਕਦੀ ਹੈ। ਇਸ ਤਰ੍ਹਾਂ ਦੀਆਂ ਚਰਚਾਵਾਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਹੋ ਰਹੀਆਂ ਹਨ। ਹਾਲਾਂਕਿ, ਸਮ੍ਰਿਤੀ ਇੱਕ ਕੈਮਿਓ ਰੋਲ ਵਿੱਚ ਨਜ਼ਰ ਆਵੇਗੀ, ਜਿਸ ਨੂੰ ਉਹ ਰੂਪਾਲੀ ਗਾਂਗੁਲੀ ਨਾਲ ਸ਼ੂਟ ਕਰਨ ਜਾ ਰਹੀ ਹੈ। ਫਿਲਹਾਲ ਉਨ੍ਹਾਂ ਦੇ ਕਿਰਦਾਰ ਬਾਰੇ ਜ਼ਿਆਦਾ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਨਿਰਮਾਤਾ ਸਮ੍ਰਿਤੀ ਇਰਾਨੀ ਅਤੇ ਰੂਪਾਲੀ ਗਾਂਗੁਲੀ ਨੂੰ ਇੱਕੋ ਫਰੇਮ ਵਿੱਚ ਲਿਆਉਣ ਲਈ ਉਤਸ਼ਾਹਿਤ ਹਨ। ਦੂਜੇ ਪਾਸੇ ਟੀਵੀ ਇੰਡਸਟਰੀ ਦੀ ਦੋ ਮਸ਼ਹੂਰ ਸਿਤਾਰਿਆਂ ਨੂੰ ਇਕੱਠੇ ਦੇਖਣਾ ਦਰਸ਼ਕਾਂ ਲਈ ਕਿਸੇ ਟ੍ਰੀਟ ਤੋਂ ਘੱਟ ਨਹੀਂ ਹੈ।
ਹੋਰ ਪੜ੍ਹੋ : ਪੰਚਾਇਤੀ ਚੋਣਾਂ ਦੌਰਾਨ ਪਿੰਡ ਮੂਸਾ 'ਚ ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਾਪੂ ਬਲਕੌਰ ਸਿੰਘ ਬਣੇ ਪੋਲਿੰਗ ਏਜੰਟ
ਤੁਲਸੀ ਦਾ ਕਿਰਦਾਰ ਨਿਭਾ ਕੇ ਮਸ਼ਹੂਰ ਹੋਈ ਸੀ ਸਮ੍ਰਿਤੀ ਇਰਾਨੀ
'ਕਿਉਂਕੀ ਸਾਸ ਭੀ ਕਭੀ ਬਹੂ' ਵਿੱਚ ਤੁਲਸੀ ਵਿਰਾਨੀ ਦਾ ਕਿਰਦਾਰ ਨਿਭਾ ਕੇ ਸਮ੍ਰਿਤੀ ਇਰਾਨੀ ਹਰ ਘਰ ਵਿੱਚ ਮਸ਼ਹੂਰ ਹੋ ਗਈ ਸੀ। ਏਕਤਾ ਕਪੂਰ ਦੇ ਇਸ ਸ਼ੋਅ ਨੇ ਉਸ ਨੂੰ ਨਾਮ ਅਤੇ ਪ੍ਰਸਿੱਧੀ ਦੋਵੇਂ ਦਿੱਤੇ। ਉਹ ਕਈ ਸ਼ੋਅਜ਼ 'ਚ ਕੰਮ ਕਰ ਚੁੱਕੀ ਹੈ। ਇਸ ਤੋਂ ਇਲਾਵਾ ਅਦਾਕਾਰਾ ਸਾਲ 2008 'ਚ ਰਿਐਲਿਟੀ ਸ਼ੋਅ 'ਯੇ ਹੈ ਜਲਵਾ' ਨੂੰ ਵੀ ਹੋਸਟ ਕਰ ਚੁੱਕੀ ਹੈ। ਅਦਾਕਾਰਾ ਕਾਮੇਡੀ ਸ਼ੋਅ 'ਮਣੀਬੇਨ ਡਾਟ ਕਾਮ' 'ਚ ਵੀ ਕੰਮ ਕਰ ਚੁੱਕੀ ਹੈ। ਇਸ ਤੋਂ ਬਾਅਦ ਅਦਾਕਾਰਾ ਨੇ ਅਦਾਕਾਰੀ ਦੀ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਅਤੇ ਰਾਜਨੀਤੀ ਵਿੱਚ ਸ਼ਾਮਲ ਹੋ ਗਏ। ਉਹ 2003 ਵਿੱਚ ਭਾਜਪਾ ਵਿੱਚ ਸ਼ਾਮਲ ਹੋਈ ਸੀ।
