ਕੀਮੋਥੈਰੇਪੀ ਦੇ ਕਾਰਨ ਹਿਨਾ ਖਾਨ ਨੂੰ ਹੋਈ ਨਵੀਂ ਬਿਮਾਰੀ, ਅਦਾਕਾਰਾ ਪੋਸਟ ਸਾਂਝੀ ਕਰ ਫੈਨਜ਼ ਤੋਂ ਮੰਗੀ ਸਲਾਹ

Hina Khan diagnosed with Mucositis : ਟੀਵੀ ਜਗਤ ਦੀ ਮਸ਼ਹੂਰ ਅਭਿਨੇਤਰੀ ਹਿਨਾ ਖਾਨ ਬ੍ਰੈਸਟ ਕੈਂਸਰ ਨਾਲ ਜੂਝ  ਰਹੀ ਹੈ। ਹਿਨਾ ਦਾ ਇਲਾਜ ਜਾਰੀ ਹੈ ਪਰ ਉਹ ਇਸ ਸਮੇਂ ਉਹ ਬੇਹੱਦ ਦਰਦ ਵਿੱਚ ਹੈ। ਅਦਾਕਾਰਾ ਨੇ ਹਾਲ ਹੀ 'ਚ ਆਪਣੀ ਨਵੀਂ ਪੋਸਟ ਸਾਂਝੀ ਕਰਦਿਆਂ ਦੱਸਿਆ ਕਿ ਕੀਮੋਥੈਰੇਪੀ ਤੋਂ ਬਾਅਦ ਉਹ ਇੱਕ ਹੋਰ mucositis ਬਿਮਾਰੀ ਨਾਲ ਜੁਝ ਰਹੀ ਹੈ। 

View this post on Instagram

A post shared by 𝑯𝒊𝒏𝒂 𝑲𝒉𝒂𝒏 (@realhinakhan)

ਹੁਣ ਹਿਨਾ ਖਾਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਪੋਸਟ 'ਚ ਉਸ ਨੇ ਦੱਸਿਆ ਕਿ ਬੀਤੇ ਕੁਝ ਦਿਨਾਂ ਤੋਂ ਉਹ ਕੀਮੋਥੈਰੇਪੀ ਸੈਸ਼ਨ ਲੈ ਰਹੀ ਹੈ। ਕੀਮੋਥੈਰੇਪੀ ਸੈਸ਼ਨ ਦੇ ਸਾਈਡ ਇਫੈਕਟ ਦੇ ਚੱਲਦੇ ਉਸ ਨੂੰ  ਮਿਊਕੋਸਾਈਟਿਸ (Mucositis) ਹੋ ਗਿਆ ਹੈ। 

ਹਿਨਾ ਨੇ ਲਿਖਿਆ ਕਿ ਮੈਂ Mucositis ਦੇ ਇਲਾਜ ਲਈ ਡਾਕਟਰ ਦੀ ਸਲਾਹ ਲੈ ਰਹੀ ਹਾਂ। ਜੇਕਰ ਤੁਹਾਡੇ ਵਿੱਚੋਂ ਕੋਈ ਵੀ ਇਸ ਵਿੱਚੋਂ ਲੰਘਿਆ ਹੈ ਜਾਂ ਕੋਈ ਲਾਭਦਾਇਕ ਹੱਲ ਜਾਣਦਾ ਹੈ ਤਾਂ ਕਿਰਪਾ ਕਰਕੇ ਸੁਝਾਅ ਦਿਓ। ਇਹ ਸੱਚਮੁੱਚ ਮੁਸ਼ਕਲ ਹੁੰਦਾ ਹੈ ਜਦੋਂ ਤੁਸੀਂ ਕੁਝ ਨਹੀਂ ਖਾ ਸਕਦੇ, ਤੁਹਾਡੀ ਸਲਾਹ ਮੇਰੀ ਬਹੁਤ ਮਦਦ ਕਰੇਗੀ।

View this post on Instagram

A post shared by 𝑯𝒊𝒏𝒂 𝑲𝒉𝒂𝒏 (@realhinakhan)

ਕੀ ਹੈ ਮਿਊਕੋਸਾਈਟਿਸ ਦੀ ਸਮੱਸਿਆ ?

ਮਿਊਕੋਸਾਈਟਿਸ ਮੂੰਹ ਦੇ ਅੰਦਰ ਝਿੱਲੀ ਦੀ ਇੱਕ ਸੋਜਸ਼ ਹੈ ਜੋ ਤੁਹਾਡੇ ਮੂੰਹ ਅਤੇ ਪੂਰੇ ਗੈਸਟਰੋਇੰਟੇਸਟਾਈਨਲ ਟ੍ਰੈਕਟ ਨੂੰ ਜੋੜਦੀ ਹੈ। ਕੈਂਸਰ ਦੇ ਇਲਾਜ ਜਿਵੇਂ ਕਿ ਰੇਡੀਏਸ਼ਨ ਜਾਂ ਕੀਮੋਥੈਰੇਪੀ ਕਰਵਾਉਣ ਵਾਲੇ ਲੋਕਾਂ ਵਿੱਚ ਮਿਊਕੋਸਾਈਟਿਸ ਦਾ ਜੋਖਮ ਆਮ ਤੌਰ 'ਤੇ ਵੱਧ ਦੇਖਿਆ ਜਾਂਦਾ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਕੀਮੋਥੈਰੇਪੀ ਲੈਣ ਵਾਲੇ 35-40% ਲੋਕਾਂ ਨੂੰ ਮਿਊਕੋਸਾਈਟਿਸ ਹੋ ਸਕਦਾ ਹੈ। ਇਸ ਸਥਿਤੀ ਵਿੱਚ ਕੁਝ ਵੀ ਖਾਣਾ ਜਾਂ ਪੀਣਾ ਮੁਸ਼ਕਲ ਹੋ ਜਾਂਦਾ ਹੈ। ਮਿਊਕੋਸਾਈਟਿਸ ਆਮ ਤੌਰ 'ਤੇ ਆਪਣੇ ਆਪ ਜਾਂ ਕਿਸੇ ਸਹਾਇਕ ਇਲਾਜ ਨਾਲ ਹੱਲ ਹੋ ਜਾਂਦੀ ਹੈ।