Ranjit Bawa New Song Tareef : ਮਸ਼ਹੂਰ ਪੰਜਾਬੀ ਗਾਇਕ ਰਣਜੀਤ ਬਾਵਾ ਆਪਣੇ ਗੀਤਾਂ ਤੇ ਦਿਲ ਨੂੰ ਛੂਹ ਲੈਣ ਵਾਲੀ ਆਵਾਜ਼ ਲਈ ਮਸ਼ਹੂਰ ਹਨ। ਮਿੱਟੀ ਦਾ ਬਾਵਾ ਤੋਂ ਬਾਅਦ ਮੁੜ ਰਣਜੀਤ ਇੱਕ ਵਾਰ ਫਿਰ ਤੋਂ ਆਪਣੀ ਨਵੀਂ ਐਲਬਮ 'ਮੈਲੋਡਿਕ ਗੱਭਰੂ' ਲੈ ਕੇ ਦਰਸ਼ਕਾਂ ਦੇ ਰੁਬਰੂ ਹੋਏ ਹਨ। ਹਾਲ ਹੀ 'ਚ ਇਸ ਐਲਬਮ ਦਾ ਨਵਾਂ ਗੀਤ 'ਤਰੀਫ' ਰਿਲੀਜ਼ ਹੋ ਗਿਆ ਹੈ।
ਦੱਸ ਦਈਏ ਕਿ ਰਣਜੀਤ ਬਾਵਾ ਗਾਇਕੀ ਤੇ ਅਦਾਕਾਰੀ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਹਾਲ ਹੀ ਵਿੱਚ ਗਾਇਕ ਨੇ ਆਪਣੇ ਅਧਿਕਾਰਿਤ ਇੰਸਟਾਗ੍ਰਾਮ ਅਕਾਊਂਟ ਉੱਤੇ ਪੋਸਟ ਸਾਂਝੀ ਕਰਕੇ ਆਪਣੀ ਨਵੀਂ ਐਲਬਮ ਦੇ ਰਿਲੀਜ਼ ਹੋਣ ਦੀ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਗਾਇਕ ਰਣਜੀਤ ਬਾਵਾ ਨੇ ਆਪਣੇ ਅਧਿਕਾਰਿਤ ਇੰਸਟਾਗ੍ਰਾਮ ਪੋਸਟ ਵਿੱਚ ਲਿਖਿਆ, 'ਲਾਓ ਜੀ ਦੋਸਤੋਂ ਮੇਰੀ ਨਵੀਂ ਐਲਬਮ Melodic Gabru ਦਾ ਪਹਿਲਾ ਗੀਤ 'ਤਰੀਫ' ਰਿਲੀਜ਼ ਹੋ ਗਿਆ ਹੈ, ਉਮੀਂਦ ਹੈ ਤੁਹਾਨੂੰ ਸਭ ਨੂੰ ਗੀਤ ਪਸੰਦ ਆਵੇਗਾ, ਜਲਦ ਹੀ ਹੋਰ ਵੀ ਗੀਤ ਪੇਸ਼ ਕੀਤੇ ਜਾਣਗੇ ਜੇ ਤੁਸੀ ਚਾਂਗਾ ਸੰਗੀਤ ਸੁੰਨਣਾ ਪਾਸੰਦ ਕਰਦੇ ਹੋ 🙏🏻 #Melodic Gabru ।'
ਹਾਲ ਹੀ ਵਿੱਚ ਇਸ ਐਲਬਮ ਦੇ ਰਿਲੀਜ਼ ਹੋਏ ਪਹਿਲੇ ਗੀਤ 'ਤਰੀਫ' ਬਾਰੇ ਗੱਲ ਕਰੀਏ ਤਾਂ ਇਹ ਗੀਤ ਇੱਕ ਪੰਜਾਬੀ ਮੁਟਿਆਰ ਦੀ ਖੂਬਸੂਰਤੀ ਉੱਤੇ ਲਿਖਿਆ ਗਿਆ ਹੈ। ਇਸ ਗੀਤ ਦੇ ਬੋਲ ਬੰਟੀ ਬੈਂਸ ਨੇ ਲਿਖੇ ਹਨ ਤੇ ਇਸ ਗੀਤ ਨੂੰ ਕੰਪੋਜ਼ ਵੀ ਬੰਟੀ ਬੈਂਸ ਨੇ ਹੀ ਕੀਤਾ ਹੈ। ਇਸ ਗੀਤ ਨੂੰ ਰਣਜੀਤ ਬਾਵਾ ਨੇ ਆਪਣੀ ਆਵਾਜ਼ ਦਿੱਤੀ ਹੈ। ਇਸ ਗੀਤ ਦਾ ਸੰਗੀਤ Desi Crew ਵੱਲੋਂ ਦਿੱਤਾ ਗਿਆ ਹੈ ਤੇ ਇਹ ਗੀਤ ਰਣਜੀਤ ਬਾਵਾ ਮਿਊਜ਼ਿਕ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਗਿਆ ਹੈ।
VIDEO
ਦੱਸ ਦਈਏ ਕਿ ਰਣਜੀਤ ਬਾਵਾ ਦੀ ਇਸ ਐਲਬਮ ਦੇ ਵਿੱਚ ਕੁੱਲ 8 ਗੀਤ ਹਨ। ਇਨ੍ਹਾਂ ਦੇ ਟਾਈਟਲ ਹਨ ਤਰੀਫ, ਜੱਗਾ ਜੱਟ, ਲੌਂਗ ਲੱਭ ਗਿਆ, ਮਿਰਜ਼ੇ ਦੀ ਬੱਕੀ, ਕਿੰਨਾ ਸੋਹਣਾ ਮੁੰਡਾ, ਸਾਦਗੀ, ਮੁਲਾਕਾਤ, ਰਿਟਰਨ ਟੂ ਮਾਈ ਰੂਟਸ ਆਦਿ ਸ਼ਾਮਲ ਹਨ।
ਫੈਨਜ਼ ਗਾਇਕ ਦੇ ਇਨ੍ਹਾਂ ਗੀਤਾਂ ਨੂੰ ਕਾਫੀ ਪਸੰਦ ਰਹੇ ਹਨ ਤੇ ਕਮੈਂਟ ਕਰਕੇ ਆਪੋ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਫੈਨਜ਼ ਗਾਇਕ ਦੇ ਗੀਤਾਂ ਦੀ ਤਾਰੀਫ ਕਰਦੇ ਹੋਏ ਕਹਿ ਰਹੇ ਨੇ ਅੱਜ ਦੇ ਸਮੇਂ ਵਿੱਚ ਬਹੁਤ ਹੀ ਘੱਟ ਗਾਇਕ ਰੂਹਾਨੀ ਗਾਇਕੀ ਕਰਦੇ ਹਨ ਤੇ ਕਈਆਂ ਨੇ ਲਿਖਿਆ, ' ਪੰਜਾਬ ਦੀ ਗੱਲ ਤੋਂ ਬਿਨਾ ਬਾਵਾ ਦੇ ਗੀਤ ਅਧੂਰੇ ਹਨ।'
