ਸੁਰਿੰਦਰ ਛਿੰਦਾ (Surinder Shinda) ਆਪਣੇ ਜ਼ਮਾਨੇ ਦੇ ਮਸ਼ਹੂਰ ਗਾਇਕ ਰਹੇ ਹਨ । ਉਨ੍ਹਾਂ ਨੇ ਲੰਮਾ ਸਮਾਂ ਪੰਜਾਬੀ ਇੰਡਸਟਰੀ ‘ਤੇ ਰਾਜ ਕੀਤਾ ਹੈ ।ਅੱਜ ਅਸੀਂ ਤੁਹਾਨੁੰ ਉਨ੍ਹਾਂ ਦੇ ਨਾਲ ਜੁੜਿਆ ਇੱਕ ਦਿਲਚਸਪ ਕਿੱਸਾ ਦੱਸਣ ਜਾ ਰਹੇ ਹਾਂ । ਜਿਸ ਨੂੰ ਗੁਰਚੇਤ ਚਿੱਤਰਕਾਰ ਨੇ ਸਾਂਝਾ ਕੀਤਾ ਹੈ। ਗੁਰਚੇਤ ਚਿੱਤਰਕਾਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ । ਜਿਸ ‘ਚ ਅਦਾਕਾਰ ਦੱਸ ਰਿਹਾ ਹੈ ਕਿ ਕਿਸ ਤਰ੍ਹਾਂ ਇੱਕ ਸੁਰਿੰਦਰ ਛਿੰਦਾ ਉਨ੍ਹਾਂ ਦੇ ਪਿੰਡ ਪਰਫਾਰਮ ਕਰਨ ਦੇ ਲਈ ਆਏ ਸਨ ਤਾਂ ਸੁਰਿੰਦਰ ਛਿੰਦਾ ਨੇ ਬਹੁਤ ਹੀ ਗੰਦੀ ਗਾਲ ਉਨ੍ਹਾਂ ਨੂੰ ਕੱਢ ਦਿੱਤੀ ਸੀ।
ਹੋਰ ਪੜ੍ਹੋ : ਆਖਿਰ ਕੌਣ ਹੈ ਇਹ ਸ਼ਖਸ ਜਿਸ ਦੇ ਸਾਹਮਣੇ ਲਾਈਵ ਕੰਸਰਟ ਦੌਰਾਨ ਸਿਰ ਝੁਕਾਇਆ ਦਿਲਜੀਤ ਦੋਸਾਂਝ ਨੇ, ਤਸਵੀਰਾਂ ਹੋ ਰਹੀਆਂ ਵਾਇਰਲ
ਜਿਸ ਤੋਂ ਬਾਅਦ ਗੁਰਚੇਤ ਚਿੱਤਰਕਾਰ ਨੂੰ ਬਹੁਤ ਬੁਰਾ ਲੱਗਿਆ ।ਗੁਰਚੇਤ ਚਿੱਤਰਕਾਰ ਨੇ ਆਪਣੇ ਦੋਸਤ ਮੁੰਡਿਆਂ ਦੇ ਗਰੁੱਪ ਨੂੰ ਕਿਹਾ ਕਿ ਹੁਣ ਤਾਂ ਸਾਡੀ ਬੇਇੱਜ਼ਤੀ ਹੋ ਗਈ । ਜਿਸ ਤੋਂ ਬਾਅਦ ਗੁਰਚੇਤ ਨੇ ਆਪਣੇ ਗੈਂਗ ਦੇ ਨਾਲ ਰਲ ਕੇ ਸੁਰਿੰਦਰ ਛਿੰਦਾ ਦੀ ਨਵੀਂ ਕਾਰ ਜੋ ਉਸ ਸਮੇਂ ਉਨ੍ਹਾਂ ਨੇ ਖਰੀਦੀ ਸੀ ‘ਤੇ ਆਪਣੇ ਦੋਸਤਾਂ ਦੇ ਨਾਲ ਰਲ ਕੇ ਪ੍ਰਕਾਰਾਂ ਦੇ ਨਾਲ ਸਕਰੈਚ ਪਾ ਦਿੱਤੇ ਸਨ ।
ਸ਼ਮਸ਼ੇਰ ਸੰਧੂ ਦੇ ਪੁੱਤਰ ਦੇ ਵਿਆਹ ‘ਚ ਕੀਤਾ ਖੁਲਾਸਾ
ਇਸ ਤੋਂ ਬਾਅਦ ਸ਼ਮਸ਼ੇਰ ਸੰਧੂ ਦੇ ਪੁੱਤਰ ਦੇ ਵਿਆਹ ‘ਚ ਗੁਰਚੇਤ ਚਿੱਤਰਕਾਰ ਦਾ ਸਾਹਮਣਾ ਸੁਰਿੰਦਰ ਛਿੰਦਾ ਦੇ ਨਾਲ ਹੋਇਆ ਸੀ। ਗੁਰਚੇਤ ਚਿੱਤਰਕਾਰ ਨੂੰ ਸੁਰਿੰਦਰ ਛਿੰਦਾ ਮਿਲੇ ਅਤੇ ਕਿਹਾ ਕਿ ਉਹ ਉਨ੍ਹਾਂ ਦੇ ਬਹੁਤ ਵੱਡੇ ਫੈਨ ਹਨ । ਜਿਸ ਤੋਂ ਬਾਅਦ ਗੁਰਚੇਤ ਚਿੱਤਰਕਾਰ ਨੇ ਕਿਹਾ ਸੀ ਕਿ ਉਹ ਵੀ ਉਨ੍ਹਾਂ ਦੇ ਵੱਡੇ ਫੈਨ ਹਨ ਅਤੇ ਜਦੋਂ ਤੁਸੀਂ ਸਾਡੇ ਪਿੰਡ ਆਏ ਸੀ ਤਾਂ ਮੈਨੂੰ ਤੁਸੀਂ ਗਾਲ ਵੀ ਕੱਢੀ ਸੀ । ਜਿਸ ‘ਤੇ ਸੁਰਿੰਦਰ ਛਿੰਦਾ ਨੇ ਕਿਹਾ ਸੀ ਕਿ ਭੀੜ ‘ਚ ਕੀ ਪਤਾ ਲੱਗਦਾ ਹੈ ਕੱਢ ਦਿੱਤੀ ਹੋਣੀ ਹੈ।
