Diljit Dosanjh join Border 2 Cast : ਮਸ਼ਹੂਰ ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਅਕਸਰ ਆਪਣੇ ਗੀਤਾਂ ਤੇ ਫਿਲਮਾਂ ਨੂੰ ਲੈ ਕੇ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਹਾਲ ਹੀ 'ਚ ਇਹ ਦਿਲਜੀਤ ਦੋਸਾਂਝ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ ਕਿ ਦਿਲਜੀਤ ਜਲਦ ਹੀ ਸੰਨੀ ਦਿਓਲ ਦੀ ਫਿਲਮ 'Border 2' 'ਚ ਨਜ਼ਰ ਆਉਣਗੇ।
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਗਾਇਕੀ ਤੇ ਅਦਾਕਾਰੀ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਦਿਲਜੀਤ ਦੋਸਾਂਝ ਅਕਸਰ ਆਪਣੇ ਫੈਨਜ਼ ਨਾਲ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਵੀਡੀਓ ਤੇ ਤਸਵੀਰਾਂ ਤੇ ਅਪਕਮਿੰਗ ਪ੍ਰੋਜੈਕਟਸ ਸ਼ੇਅਰ ਕਰਦੇ ਰਹਿੰਦੇ ਹਨ।
ਹਾਲ ਹੀ ਵਿੱਚ ਦਿਲਜੀਤ ਦੋਸਾਂਜ ਤੇ ਸੰਨੀ ਦਿਓਲ ਦੋਹਾਂ ਕਲਾਕਾਰਾਂ ਨੇ ਆਪਣੇ ਅਧਿਕਾਰਿਤ ਅਕਾਊਂਟ ਉੱਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋ ਦਿਲਜੀਤ ਦੋਸਾਂਝ ਨੇ ਲਿਖਿਆ, 'ਪਹਿਲੀ ਗੋਲੀ ਦੁਸ਼ਮਨ ਚਲਾਵੇਗਾ ਔਰ ਆਖਰੀ ਗੋਲੀ ਹਮ ! ਅਜਿਹੀ ਤਾਕਤਵਰ ਟੀਮ 🇮🇳🙏🏻 ਦੇ ਨਾਲ ਖੜੇ ਹੋਣ ਅਤੇ ਸਾਡੇ ਸੈਨਿਕਾਂ ਦੇ ਨਕਸ਼ੇ ਕਦਮਾਂ 'ਤੇ ਚੱਲਣ ਦਾ ਮੈਨੂੰ ਮਾਣ ਹੈ! #Border2'
ਵਰੁਣ ਤੋਂ ਬਾਅਦ ਹੁਣ ਗਾਇਕ ਦਿਲਜੀਤ ਦੋਸਾਂਝ ਨੇ ਸੰਨੀ ਦਿਓਲ ਦੀ ਬਾਰਡਰ 2 ਵਿੱਚ ਐਂਟਰੀ ਹੋ ਗਈ ਹੈ। ਸੰਨੀ ਦਿਓਲ ਨੇ ਵੀਡੀਓ ਸ਼ੇਅਰ ਕਰਕੇ ਬਾਰਡਰ 2 ਵਿੱਚ ਦਿਲਜੀਤ ਦਾ ਸਵਾਗਤ ਕੀਤਾ ਹੈ। ਦਿਲਜੀਤ ਨੇ ਵੀ ਵੀਡੀਓ ਸ਼ੇਅਰ ਕੀਤੀ ਹੈ।
ਉਨ੍ਹਾਂ ਨੇ ਲਿਖਿਆ- 'ਦੁਸ਼ਮਣ ਪਹਿਲੀ ਗੋਲੀ ਚਲਾਏਗਾ ਤੇ ਅਸੀਂ ਆਖਰੀ ਗੋਲੀ ਚਲਾਵਾਂਗੇ, ਮੈਂ ਇੰਨੀ ਤਾਕਤਵਰ ਟੀਮ ਦੇ ਨਾਲ ਖੜੇ ਹੋ ਕੇ ਆਪਣੇ ਸੈਨਿਕਾਂ ਦੇ ਨਕਸ਼ੇ ਕਦਮਾਂ 'ਤੇ ਚੱਲ ਕੇ ਮਾਣ ਮਹਿਸੂਸ ਕਰ ਰਿਹਾ ਹਾਂ।' ਇਸ ਦੇ ਨਾਲ ਹੀ ਇਸ ਵੀਡੀਓ 'ਚ ਫਿਲਮ ਬਾਰਡਰ ਦਾ ਗੀਤ 'ਸੰਦੇਸੇ ਆਤੇ ਹੈ' ਸੁਣਾਈ ਦੇ ਰਿਹਾ ਹੈ। ਫਿਰ ਦਿਲਜੀਤ ਦੀ ਆਵਾਜ਼ ਵਿਚ ਦੇਸ਼ ਭਗਤੀ ਦਾ ਸੰਵਾਦ ਸੁਣਾਈ ਦਿੰਦਾ ਹੈ - 'ਇਸ ਦੇਸ਼ ਵੱਲ ਵੇਖਣ ਵਾਲੀ ਹਰ ਅੱਖ ਡਰ ਨਾਲ ਝੁਕ ਜਾਂਦੀ ਹੈ... ਜਦੋਂ ਗੁਰੂ ਦੇ ਬਾਜ਼ ਇਨ੍ਹਾਂ ਸਰਹੱਦਾਂ ਦੀ ਰਾਖੀ ਕਰਦੇ ਹਨ!'
ਹੋਰ ਪੜ੍ਹੋ : ਸਤਿੰਦਰ ਸਰਤਾਜ ਤੇ ਸਿਮੀ ਚਾਹਲ ਦੀ ਨਵੀਂ ਫਿਲਮ 'ਹੁਸ਼ਿਆਰ ਸਿੰਘ' ਦੀ ਸ਼ੂਟਿੰਗ ਹੋਈ ਸ਼ੁਰੂ, ਵੇਖੋ ਤਸਵੀਰਾਂ
ਫਿਲਮ ਬਾਰਡਰ 2 ਦੇ ਵਿੱਚ ਬਤੌਰ ਫੌਜੀ ਦਿਲਜੀਤ ਦੋਸਾਂਝ ਦੀ ਐਂਟਰੀ ਬਾਰੇ ਸੁਣ ਕੇ ਫੈਨਜ਼ ਕਾਫੀ ਖੁਸ਼ ਹਨ। ਸੰਨੀ ਦਿਓਲ ਦੇ ਨਾਲ -ਨਾਲ ਦਿਲਜੀਤ ਦੋਸਾਂਝ ਦੇ ਫੈਨਜ਼ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
