ਗਾਇਕਾ ਕੌਰ ਬੀ (Kaur b) ਗੁਰਦੁਆਰਾ ਸਾਹਿਬ ‘ਚ ਨਤਮਸਤਕ ਹੋਏ । ਜਿਸ ਦੀਆਂ ਤਸਵੀਰਾਂ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਸਾਂਝੀਆਂ ਕੀਤੀਆਂ ਹਨ । ਇਨ੍ਹਾਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਗਾਇਕਾ ਨੇ ਆਪਣੇ ਦਿਲ ਦੇ ਜਜ਼ਬਾਤ ਵੀ ਫੈਨਸ ਦੇ ਨਾਲ ਸ਼ੇਅਰ ਕੀਤੇ ਹਨ ।ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਲਿਖਿਆ ‘ਹਰ ਦਿਨ, ਹਰ ਪਲ, ਹਰ ਸੁਖ ਦਾ ਸ਼ੁਕਰਾਨਾ ਸੱਚੇ ਪਾਤਸ਼ਾਹ ਇਹ ਤੇਰੀ ਦੁਨੀਆਂ-ਦਾਰੀ ਬੜੀ ਕਮਾਲ ਮਾਲਿਕ ।ਹਰ ਦਿਨ ਕਦੀਂ ਦਿਲ ।ਟੁੱਟਦੇ ਕਦੀਂ ਜੁੜਦੇ, ਫੇਰ ਵੀ ਬਚਾ ਕੇ ਬੜਾ ਰੱਖਿਆ ਤੁਸੀਂ ਆ ਨਿਮਾਣੀ ਜਈ ਜਿੰਦ ਨੂੰ ।ਸਕੂਨ ਬੜਾ ਰਹਿੰਦਾ ਏਸੇ ਗੱਲ ਦਾ ਕੇ
_883352d06f5df4db2a88bea8543ebca8_1280X720.webp)
ਹੋਰ ਪੜ੍ਹੋ : ‘ਵੇ ਮੈਂ ਕਰਕੇ ਫਲਾਈ ਆਵਾਂ’ ਗੀਤ ਗਾਉਣ ਵਾਲਾ ਸੱਬਾ ਮਰਾੜ ਕਰਦਾ ਰਿਹਾ ਦਿਹਾੜੀਆਂ, ਜਾਣੋ ਕਿਵੇਂ ਬਦਲੀ ਕਿਸਮਤ
ਤੁਸੀ ਆ ਦਿਲ ਦਿੱਤਾ ਜਿਹੜਾ ਸਭ ਨੂੰ ਆਪਣਾ ਬਣਾ ਲੈਂਦਾ ।ਤੁਸੀਂ ਕਦੇ ਕਿਸੇ ਦਾ ਵੀ ਮਾੜਾ ਨਾਂ ਹੋਣ ਦਿੱਤਾ ਨਾਂ ਹੋਣ ਦਿਓ ਏਸ ਦਿਲ ਤੋਂ ਸੱਚੇ ਪਾਤਸ਼ਾਹ ।ਹਿੰਮਤਾਂ 'ਚ ਤੇ ਚੜਦੀਕਲਾ 'ਚ ਰੱਖਿਆ ਤੁਸੀਂ ਸਦਾ ਐਵੇ ਈ ਰੱਖਿਓ ਸਾਹਿਬਾ’। ਕੌਰ ਬੀ ਦੇ ਵੱਲੋਂ ਸਾਂਝੀ ਕੀਤੀ ਗਈ ਇਸ ਪੋਸਟ ‘ਤੇ ਫੈਨਸ ਦੇ ਵੱਲੋਂ ਵੀ ਰਿਐਕਸ਼ਨ ਦਿੱਤੇ ਜਾ ਰਹੇ ਹਨ ।
_a33017793d3a7103a13a6ee5b9e2afcc_1280X720.webp)
ਕੌਰ ਬੀ ਦਾ ਵਰਕ ਫ੍ਰੰਟ
ਕੌਰ ਬੀ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਸਾਲਾਂ ਤੋਂ ਇੰਡਸਟਰੀ ‘ਚ ਸਰਗਰਮ ਹਨ ਤੇ ਇੱਕ ਤੋਂ ਬਾਅਦ ਇੱਕ ਹਿੱਟ ਗੀਤਾਂ ਦੇ ਨਾਲ ਸਰੋਤਿਆਂ ਦਾ ਮਨੋਰੰਜਨ ਕਰਦੇ ਆ ਰਹੇ ਹਨ । ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ਕਾਫੀ ਲੰਮੀ ਹੈ। ਪਰ ਇੱਥੇ ਉਨ੍ਹਾਂ ਦੇ ਕੁਝ ਕੁ ਗੀਤਾਂ ਦਾ ਜ਼ਿਕਰ ਕਰਾਂਗੇ । ਜਿਸ ‘ਚ ਮਿੱਤਰਾਂ ਦੇ ਬੂਟ, ਪੀਜ਼ਾ ਹੱਟ, ਫੁਲਕਾਰੀ, ਜਸਟ ਦੇਸੀ, ਬਜਟ ਸਣੇ ਕਈ ਹਿੱਟ ਗੀਤ ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਸੂਚੀ ‘ਚ ਸ਼ਾਮਿਲ ਹਨ ।
