ਕਮਿਸ਼ਨਰ ਦੇ ਪੁੱਤਰ ਰਾਹੁਲ ਦੇਵ ਨੇ ਪੰਜਾਬੀ ਫ਼ਿਲਮਾਂ ਦੇ ਨਾਲ ਬਾਲੀਵੁੱਡ ਫ਼ਿਲਮਾਂ ‘ਚ ਨਿਭਾਏ ਵਿਲੇਨ ਦੇ ਕਿਰਦਾਰ, ਜਨਮ ਦਿਨ ‘ਤੇ ਜਾਣੋ ਅਦਾਕਾਰ ਦੀ ਜ਼ਿੰਦਗੀ ਨਾਲ ਜੁੜੀਆਂ ਖ਼ਾਸ ਗੱਲਾਂ

ਪੰਜਾਬੀ ਤੇ ਬਾਲੀਵੁੱਡ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਰਾਹੁਲ ਦੇਵ (Rahul Dev) ਦਾ ਅੱਜ ਜਨਮ ਦਿਨ (Birthday)ਹੈ। ਉਨ੍ਹਾਂ ਦੇ ਜਨਮ ਦਿਨ ‘ਤੇ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਦੇ ਨਾਲ ਜੁੜੀਆਂ ਕੁਝ ਖ਼ਾਸ ਗੱਲਾਂ ਦੱਸਾਂਗੇ । ਜਿਨ੍ਹਾਂ ਬਾਰੇ ਸ਼ਾਇਦ ਹੀ ਤੁਸੀਂ ਜਾਣਦੇ ਹੋਵੋਗੇ ।

 ਹੋਰ ਪੜ੍ਹੋ : ਅੱਜ ਹੈ ਗੁਰੁ ਨਾਨਕ ਦੇਵ ਜੀ ਦਾ ਜੋਤੀ ਜੋਤਿ ਦਿਵਸ, ਸੁਖਸ਼ਿੰਦਰ ਛਿੰਦਾ ਤੇ ਦਰਸ਼ਨ ਔਲਖ ਨੇ ਕੀਤਾ ਗੁਰੁ ਸਾਹਿਬ ਨੂੰ ਯਾਦ

ਫ਼ਿਲਮ ‘ਚੈਂਪੀਅਨ’ ਨਾਲ ਕੀਤੀ ਸ਼ੁਰੂਆਤ 

ਰਾਹੁਲ ਦੇਵ ਦਾ ਜਨਮ 1968 ‘ਚ ਹੋਇਆ ਸੀ । ਉਨ੍ਹਾਂ ਦੇ ਪਿਤਾ ਦਿੱਲੀ ਦੇ ਕਮਿਸ਼ਨਰ ਸਨ ।ਰਾਹੁਲ ਦੇਵ ਦੇ ਮਾਪੇ ਵੀ ਚਾਹੁੰਦੇ ਸਨ ਕਿ ਉਨ੍ਹਾਂ ਦਾ ਪੁੱਤਰ ਵੀ ਪਿਤਾ ਵਾਂਗ ਕੋਈ ਅਫਸਰ ਬਣੇ, ਪਰ ਰਾਹੁਲ ਦੇਵ ਦੀ ਰੂਚੀ ਅਦਾਕਾਰੀ ‘ਚ ਸੀ ਅਤੇ ਉਨ੍ਹਾਂ ਨੇ ਕਰੀਅਰ ਦੇ ਤੌਰ ਤੇ ਅਦਾਕਾਰੀ ਹੀ ਚੁਣੀ ।

ਫ਼ਿਲਮ ‘ਚੈਂਪੀਅਨ’ ਦੇ ਨਾਲ ਉਨ੍ਹਾਂ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ।ਇਸ ਫ਼ਿਲਮ ‘ਚ ਉਹਨਾਂ ਨਾਲ ਲੀਡ ਰੋਲ ‘ਚ ਮਨੀਸ਼ਾ ਕੋਇਰਾਲਾ ਸਨ।

 ਪਤਨੀ ਦੀ ਮੌਤ ਦਾ ਸਦਮਾ

ਰਾਹੁਲ ਦੇਵ ਨੇ ਆਪਣੇ ਫ਼ਿਲਮੀ ਕਰੀਅਰ ‘ਚ ਇੱਕ ਤੋਂ ਵੱਧ ਇੱਕ ਹਿੱਟ ਫ਼ਿਲਮਾਂ ‘ਚ ਕੰਮ ਕਰਕੇ ਆਪਣੀ ਅਦਾਕਾਰੀ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ।ਆਪਣੇ ਕਿਰਦਾਰ ਦੇ ਨਾਲ ਉਹ ਹੀਰੋ ‘ਤੇ ਵੀ ਭਾਰੀ ਸਾਬਿਤ ਹੁੰਦੇ ਹਨ ।

View this post on Instagram

A post shared by Rahul Dev (@rahuldevofficial)

ਉਨ੍ਹਾਂ ਦੀ ਜ਼ਿੰਦਗੀ ‘ਚ ਸਭ ਕੁਝ ਠੀਕ ਚੱਲ ਰਿਹਾ ਸੀ, ਪਰ ਉਨ੍ਹਾਂ ਦੀ ਜ਼ਿੰਦਗੀ ‘ਚ ਉਸ ਵੇਲੇ ਭੂਚਾਲ ਜਿਹਾ ਆ ਗਿਆ ਸੀ ਜਦੋਂ 2009 ‘ਚ ਉਨ੍ਹਾਂ ਦੀ ਪਤਨੀ ਦਾ ਦਿਹਾਂਤ ਹੋ ਗਿਆ ਸੀ ।

ਜਿਸ ਤੋਂ ਬਾਅਦ ਕਈ ਸਾਲ ਤੱਕ ਰਾਹੁਲ ਦੇਵ ਨੇ ਸਿੰਗਲ ਫਾਦਰ ਬਣ ਆਪਣੇ ਬੇਟੇ ਦਾ ਪਾਲਣ ਪੋਸ਼ਣ ਕੀਤਾ । ਇਸ ਦੌਰਾਨ ਅਦਾਕਾਰ ਬੁਰੀ ਤਰ੍ਹਾਂ ਟੁੱਟ ਗਿਆ ਸੀ। ਫਿਰ ਰਾਹੁਲ ਉਸ ਵੇਲੇ ਚਰਚਾ ‘ਚ ਆ ਗਏ ਸਨ ਜਦੋਂ ਉਹ ਆਪਣੇ ਤੋਂ ਕਈ ਸਾਲ ਛੋਟੀ ਅਦਾਕਾਰਾ ਦੇ ਨਾਲ ਲਿਵ ਇਨ ‘ਚ ਰਹੇ । 

View this post on Instagram

A post shared by MugdhaVeiraGodse (@mugdhagodse)