Diljit Dosanjh and Ed Sheeran Viral Video : ਮਸ਼ਹੂਰ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ ਆਪਣੇ ਮਿਊਜ਼ਿਕ ਸ਼ੋਅ Dil-Lumiati Tour ਨੂੰ ਲੈ ਕੇ ਕਾਫੀ ਸੁਰਖੀਆਂ 'ਚ ਹਨ। ਹਾਲ ਹੀ 'ਚ ਦਿਲਜੀਤ ਦੋਸਾਂਝ ਤੇ ਮਸ਼ਹੂਰ ਹਾਲੀਵੁੱਡ ਗਾਇਕ Ed Sheeran ਇੱਕਠੇ ਪਰਫਾਰਮ ਕਰਦੇ ਨਜ਼ਰ ਆਏ।
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ UK ਦੇ ਵਿੱਚ ਆਪਣਾ Dil-Lumiati Tour ਕਰ ਰਹੇ ਹਨ। ਗਾਇਕ ਦੇ ਬਰਮਿੰਘਮ ਸ਼ੋਅ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਜਿਸ ਨੂੰ ਵੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ।
ਦਰਅਸਲ ਦਿਲਜੀਤ ਦੋਸਾਂਝ ਦੇ ਫੈਨਜ਼ ਉਦੋਂ ਹੈਰਾਨ ਰਹਿ ਗਏ ਜਦੋਂ ਆਪਣੇ ਚੱਲਦੇ ਸ਼ੋਅ ਵਿੱਚ ਉਨ੍ਹਾਂ ਮਸ਼ਹੂਰ ਬ੍ਰਿਟਿਸ਼ ਗਾਇਕ ਤੇ ਸੰਗੀਤਕਾਰ Ed Sheeran ਨੂੰ ਸਟੇਜ 'ਤੇ ਆਪਣੇ ਨਾਲ ਪਰਫਾਰਮ ਕਰਨ ਲਈ ਬੁਲਾਇਆ।
ਜਿੱਥੇ ਸ਼ੀਰਨ ਨੇ ਵੋਕਲ ਅਤੇ ਗਿਟਾਰ 'ਤੇ ਦਿਲਜੀਤ ਦੋਸਾਂਝ ਦਾ ਸਾਥ ਦਿੱਤਾ, ਉੱਥੇ ਹੀ ਦਿਲਜੀਤ ਦੋਸਾਂਝ ਨੇ ਆਪਣਏ ਅਧਿਕਾਰਿਤ ਇੰਸਟਾਗ੍ਰਾਮ ਅਕਾਊਂਟ ਉੱਤੇ ਪੋਸਟ ਪਾ ਕੇ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਦਿਲਜੀਤ ਨੇ ਆਪਣੀ ਪੋਸਟ ਵਿੱਚ, ਕ੍ਰਮਵਾਰ ਆਪਣੇ ਅਤੇ ਸ਼ੀਰਨ ਦੇ ਸੁਪਰਹਿੱਟ ਗੀਤ "ਨੈਨਾ" (2024 ਦੀ ਫਿਲਮ "ਕਰੂ" ਤੋਂ) ਅਤੇ "ਸ਼ੇਪ ਆਫ ਯੂ" ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਹੈ।
ਦਿਲਜੀਤ ਦੋਸਾਂਝ ਨੇ ਸ਼ੀਰਨ ਦਾ ਧੰਨਵਾਦ ਕਰਦਿਆਂ ਕੈਪਸ਼ਨ ਵਿੱਚ ਲਿਖਿਆ, '@teddysphotos My BROTHER Shut Down BIRMINGHAM, What A Night 🙌🏽 🔥 LOVE & RESPECT ✊🏽 Thank You Birmingham Waleya BAUT Pyar 🫶🏽🫶🏽।'
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਗਾਇਕ ਦਿਲਜੀਤ ਦੋਸਾਂਝ ਤੇ Ed Sheeran ਮੁੰਬਈ ਵਿੱਚ ਵੀ ਇੱਕਠੇ ਪਰਫਾਮ ਕਰ ਚੁੱਕੇ ਹਨ। ਫੈਨਜ਼ ਨੂੰ ਇਨ੍ਹਾਂ ਦੋਹਾਂ ਗਾਇਕਾਂ ਦਾ ਕੋਲੈਬ ਕਾਫੀ ਪਸੰਦ ਆਇਆ ਸੀ। ਇਸ ਦੇ ਨਾਲ ਹੀ Ed Sheeran ਨੇ ਵੀ ਦਿਲਜੀਤ ਦੋਸਾਂਝ ਨੂੰ ਸ਼ੋਅ ਵਿੱਚ ਸੱਦਾ ਦੇਣ ਲਈ ਧੰਨਵਾਦ ਕੀਤਾ ਹੈ। ਇਸ ਤੋਂ ਇਲਾਵਾ ਦੋਹਾਂ ਗਾਇਕਾਂ ਦੀ ਸ਼ੋਅ ਤੋਂ ਪਹਿਲਾਂ ਮੁਲਾਕਾਤ ਤੇ ਗ੍ਰੀਨ ਰੂਮ ਦੀਆਂ ਵੀਡੀਓਜ਼ ਵੀ ਵਾਇਰਲ ਹੋ ਰਹੀਆਂ ਹਨ, ਜਿਸ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਿਆਰ ਮਿਲ ਰਿਹਾ ਹੈ।
