Diljit Dosanjh on Illuminati Tour : ਦਿਲਜੀਤ ਦੋਸਾਂਝ ਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਤੋਂ ਲੈ ਕੇ ਗਲੋਬਲ ਲੈਵਲ ਉੱਤੇ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਦਿਲਜੀਤ ਦੋਸਾਂਝ ਦੀ ਸਫਲਤਾ ਦੇ ਨਾਲ-ਨਾਲ ਉਨ੍ਹਾਂ ਦੇ ਨਾਲ ਇਲੂਮਿਨਾਟੀ ਦੇ ਨਾਮ ਹੈ।
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਜਲਦ ਹੀ ਆਪਣੇ ਮਿਊਜ਼ਿਕਲ ਸ਼ੋਅ ਦਿਲ- ਇਲੂਮਿਨਾਟੀ ਟੂਰ ਭਾਰਤ ਵਿੱਚ ਸ਼ੁਰੂ ਕਰਨ ਜਾ ਰਹੇ ਹਨ। ਗਾਇਕ ਦੇ ਭਾਰਤੀ ਫੈਨਜ਼ ਇਸ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ। ਇਸ ਤੋਂ ਪਹਿਲਾਂ ਦਿਲਜੀਤ ਦੋਸਾਂਝ ਨੇ ਆਪਣਾ ਮਿਊਜ਼ਿਕਲ ਵਰਲਡ ਟੂਰ ਦਿਲ-ਇਲੂਮਿਨਾਟੀ ਵੀ ਪੂਰਾ ਕੀਤਾ ਹੈ। ਜਿਸ ਦੀ ਕਈ ਵੀਡੀਓਜ਼ ਤੇ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋਈਆਂ ਤੇ ਕਈ ਦੇਸ਼-ਵਿਦੇਸ਼ ਦੀਆਂ ਖਬਰਾਂ ਦਾ ਹਿੱਸਾ ਵੀ ਬਣੀਆਂ।
ਬੀਤੇ ਦਿਨੀਂ ਆਪਣੇ ਇੱਕ ਇੰਟਰਵਿਊ ਦੌਰਾਨ ਦਿਲਜੀਤ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਦੇ ਮਿਊਜ਼ਿਕਲ ਵਰਲਡ ਟੂਰ ਦਿਲ-ਇਲੂਮਿਨਾਟੀ ਦੇ ਤਕਰੀਬਨ ਸਾਰੇ ਸ਼ੋਅ ਸੋਲਡ ਆਊਟ ਹੋਣ ਲੱਗੇ ਤਾਂ ਕੁਝ ਲੋਕਾਂ ਵੱਲੋਂ ਉਨ੍ਹਾਂ ਨੂੰ ਇੰਝ ਕਿਹਾ ਜਾਣ ਲੱਗਾ ਕਿ ਉਨ੍ਹਾਂ ਨੇ ਕੋਈ ਸ਼ੈਤਾਨੀ ਤਾਕਤਾਂ ਵਾਲਾ ਗਰੁੱਪ ਜੁਆਈਨ ਕੀਤਾ ਹੈ, ਜਿਸ ਦਾ ਨਾਮ ਇਲੂਮਿਨਾਟੀ ਹੈ। ਉਨ੍ਹਾਂ ਉੱਤੇ ਇਲੂਮਿਨਾਟੀ ਨਾਲ ਜੁੜੇ ਹੋਣ ਦੇ ਦੋਸ਼ ਲਗਾਏ।
ਦਿਲਜੀਤ ਨੇ ਆਪਣੇ ਉੱਤੇ ਇਲੂਮਿਨਾਟੀ ਰਾਹੀਂ ਰਾਤੋਂ -ਰਾਤ ਕਾਮਯਾਬ ਹੋਣ ਦੇ ਲੱਗੇ ਦੋਸ਼ਾਂ ਨੂੰ ਲੈ ਕੇ ਕਿਹਾ ਕਿ ਉਹ ਮਹਿਜ਼ ਅਕਾਲ ਪੁਰਖ ਨੂੰ ਮੰਨਦੇ ਹਨ ਤੇ ਉਸ ਅਕਾਲ ਪੁਰਖ ਤੋਂ ਵੱਡਾ ਕੋਈ ਨਹੀਂ ਤੇ ਨਾਂ ਹੀ ਉਹ ਅਜਿਹੀ ਕਿਸੇ ਚੀਜ਼ ਨੂੰ ਮੰਨਦੇ ਨੇ ਜੋ ਅਕਾਲ ਪੁਰਖ ਤੋਂ ਵੱਡੀ ਹੋਵੇ।
VIDEO
ਹੋਰ ਪੜ੍ਹੋ : ਪ੍ਰਿੰਸ ਨਰੂਲਾ ਤੇ ਯੁਵਿਕਾ ਚੌਧਰੀ ਨੇ ਫੈਨਜ਼ ਨੂੰ ਵਿਖਾਈ ਆਪਣੀ ਧੀ ਦੀ ਪਹਿਲੀ ਝਲਕ, ਫੈਨਜ਼ ਦੇ ਰਹੇ ਵਧਾਈ
ਦਿਲਜੀਤ ਦੋਸਾਂਝ ਨੇ ਅੱਗੇ ਆਪਣੇ ਕਰੀਅਰ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਸਫਲਤਾ ਤੇ ਸਟਾਰਡਮ ਰਾਤੋ-ਰਾਤ ਨਹੀਂ ਮਿਲਿਆ। ਇਸ ਦੇ ਲਈ ਉਨ੍ਹਾਂ ਨੇ ਕੜੀ ਮਿਹਨਤ ਤੇ ਸਬਰ ਕੀਤਾ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ 22 ਸਾਲਾਂ ਦੇ ਸਟ੍ਰਗਲ ਬਾਰੇ ਵੀ ਕੀਤੀ ਹੈ। ਦਿਲਜੀਤ ਦੋਸਾਂਝ ਨੇ ਕਿਹਾ ਕਿ ਕਈ ਲੋਕ ਕਹਿੰਦੇ ਹਨ ਕਿ ਦਿਲਜੀਤ ਰਾਤੋ ਰਾਤ ਸਟਾਰ ਬਣ ਗਿਆ, ਉਨ੍ਹਾਂ ਨੇ ਕਿਹਾ ਕਿ ਕਦੇ ਮੇਰੇ ਗੀਤ ਚੱਲੇ ਤੇ ਕਦੇ ਨਹੀਂ ਚੱਲੇ ਮੈਂ ਤਾਂ ਇੰਡਸਟਰੀ ਵਿੱਚ ਕਦੇ ਵੀ ਕੰਮ ਕਰਨਾ ਨਹੀਂ ਛੱਡਿਆ ਮੈਂ ਆਪਣੀ ਕਿਰਤ ਕੀਤੀ ਹੈ ਤੇ ਬਾਕੀ ਰੱਬ ਦੀ ਦੇਣ ਹੈ।
