ਬਾਣੀ ਸੰਧੂ (Baani Sandhu) ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਹੈ । ਜਿਸ ‘ਚ ਗਾਇਕਾ ਰਿਵਾਇਤੀ ਪਹਿਰਾਵੇ ‘ਤੇ ਗਹਿਣਿਆਂ ‘ਚ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਗਾਇਕਾ ਨੇ ਸਿਰ ‘ਤੇ ਸੱਗੀ ਫੁੱਲ ਸਜਾਏ ਹੋਏ ਹਨ ਅਤੇ ਲਾਲ ਰੰਗ ਦਾ ਸੂਟ ਪਾਇਆ ਹੋਇਆ ਹੈ। ਵਾਲਾਂ ‘ਚ ਪਰਾਂਦੀ ਗੁੰਦੀ ਹੋਈ ਹੈ ਅਤੇ ਕੰਨਾਂ ‘ਚ ਵੱਡੇ ਵੱਡੇ ਝਾਲੇ ਪਾਏ ਹੋਏ ਹਨ । ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਬਾਣੀ ਸੰਧੂ ਨੇ ਆਪਣੇ ਦਿਲ ਦੇ ਜਜ਼ਬਾਤਾਂ ਨੂੰ ਸਾਂਝਾ ਕੀਤਾ ਹੈ।
ਹੋਰ ਪੜ੍ਹੋ : ਅਫਸਾਨਾ ਖ਼ਾਨ ਨੂੰ ਕਪਿਲ ਸ਼ਰਮਾ ਤੇ ਗਿੰਨੀ ਚਤਰਥ ਨੇ ਤੋਹਫ਼ੇ ‘ਚ ਦਿੱਤੀ ਖੂਬਸੂਰਤ ਜਿਊਲਰੀ, ਗਾਇਕਾ ਨੇ ਤਸਵੀਰਾਂ ਸਾਂਝੀਆਂ ਕਰ ਦਿਖਾਈ ਜਿਊਲਰੀ
ਗਾਇਕਾ ਨੇ ਲਿਖਿਆ ‘ਕੌੜਾ ਕੌੜਾ ਝਾਕਦੇ ਸੀ ਜਾਂ ਪਤਾ ਨਹੀਂ ਬਹੁਤੇ ਹੱਸਦੇ ਸੀ। ਉਹਦੇ ਨਾਲ-ਨਾਲ ਨਿਗਾਹ ਵੀ ਹੋਰ ਸੀ। ਹਾਲਾਂਕਿ ਮੇਰੀ ਸ਼ਕਲ ਬਿਲਕੁਲ ਵੀ ਨਹੀਂ ਦਿਖ ਰਹੀ ਸੀ ਕਿਸੇ ਨੂੰ ਪਰ ਫਿਰ ਵੀ ਹੈਰਾਨ ਜਿਹੇ ਹੋ ਕੇ ਦੇਖਦੇ ਸੀ।
ਕਾਰਨ ਨਹੀਂ ਪਤਾ, ਪਰ ਤਜ਼ਰਬਾ ਬੜਾ ਵਧੀਆ ਸੀ। ਹੋਰ ਵੀ ਪਿੰਡ ਮੈਂ ਏਦਾਂ ਹੀ ਐਕਸਪਲੋਰ ਕਰਾਂਗੀ। ਅਸੀਂ ਬਹੁਤ ਖੁਸ਼ ਸੀ ਇੱਦਾਂ ਲੋਕਾਂ ਨਾਲ ਹੱਸਦੇ ਖੇਡਦੇ ਗਏ ਹਾਂ ਸਾਰੀਆਂ ਸੜਕਾਂ ‘ਤੇ’।
ਬਾਣੀ ਸੰਧੂ ਦਾ ਵਰਕ ਫ੍ਰੰਟ
ਬਾਣੀ ਸੰਧੂ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਸਾਲਾਂ ਤੋਂ ਪੰਜਾਬੀ ਇੰਡਸਟਰੀ ‘ਚ ਸਰਗਰਮ ਹਨ ਅਤੇ ਇੱਕ ਤੋਂ ਬਾਅਦ ਇੱਕ ਹਿੱਟ ਗੀਤ ਇੰਡਸਟਰੀ ਨੂੰ ਦੇ ਰਹੇ ਹਨ । ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਲਿਸਟ ਕਾਫੀ ਲੰਮੀ ਹੈ। ਉਨ੍ਹਾਂ ਨੇ ਫ਼ਿਲਮ ‘ਮੈਡਲ’ ਦੇ ਨਾਲ ਪੰਜਾਬੀ ਫ਼ਿਲਮਾਂ ‘ਚ ਐਂਟਰੀ ਵੀ ਕੀਤੀ ਹੈ। ਇਸ ਫ਼ਿਲਮ ਨੂੰ ਦਰਸ਼ਕਾਂ ਦੇ ਵੱਲੋਂ ਬਹੁਤ ਜ਼ਿਆਦਾ ਪਸੰਦ ਕੀਤਾ ਗਿਆ ਸੀ ।
