Shah Rukh Khan and Salman Khan reunite on screen : ਪਠਾਨ ਅਤੇ ਟਾਈਗਰ 3 ਤੋਂ ਬਾਅਦ, ਸ਼ਾਹਰੁਖ ਖਾਨ ਤੇ ਸਲਮਾਨ ਖਾਨ ਨੂੰ ਮੁੜ ਇੱਕ ਵਾਰ ਫਿਰ ਤੋਂ ਵੱਡੇ ਪ੍ਰੋਜੈਕਟ 'ਚ ਨਜ਼ਰ ਆਉਣ ਵਾਲੇ ਹਨ। ਫੈਨਜ਼ ਭਾਈਜਾਨ ਤੇ ਸ਼ਾਹਰੁਖ ਦੀ ਜੋੜੀ ਇੱਕਠੇ ਵੇਖਣ ਲਈ ਉਤਸ਼ਾਹਿਤ ਹਨ।
ਜਦੋਂ ਵੀ ਸ਼ਾਹਰੁਖ ਖਾਨ ਅਤੇ ਸਲਮਾਨ ਖਾਨ ਇਕੱਠੇ ਪਰਦੇ 'ਤੇ ਆਉਂਦੇ ਹਨ, ਉਹ ਹਲਚਲ ਮਚਾ ਦਿੰਦੇ ਹਨ। ਫੈਨਜ਼ ਦੋਵਾਂ ਦੀ ਜੋੜੀ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਦੋਵਾਂ ਦੇ ਪ੍ਰਸ਼ੰਸਕ ਆਪਣੇ ਪਸੰਦੀਦਾ ਸੁਪਰਸਟਾਰਾਂ ਨੂੰ ਇਕੱਠੇ ਦੇਖਣਾ ਪਸੰਦ ਕਰਦੇ ਹਨ, ਭਾਵੇਂ ਇਹ ਕੋਈ ਫਿਲਮ, ਐਵਾਰਡ ਸ਼ੋਅ ਜਾਂ ਕੋਈ ਹੋਰ ਪ੍ਰੋਜੈਕਟ ਹੋਵੇ।
ਕਰਨ ਅਰਜੁਨ, 'ਕੁਛ ਕੁਛ ਹੋਤਾ ਹੈ' ਅਤੇ 'ਹਮ ਤੁਮਹਾਰੇ ਹੈ ਸਨਮ' ਤੋਂ ਲੈ ਕੇ ਕਈ ਫਿਲਮਾਂ ਵਿੱਚ ਦਰਸ਼ਕਾਂ ਨੇ ਇਸ ਜੋੜੀ ਨੂੰ ਪਸੰਦ ਕੀਤਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਹੁਣ ਇੱਕ ਹੋਰ ਪ੍ਰੋਜੈਕਟ ਆ ਰਿਹਾ ਹੈ, ਜਿਸ 'ਚ ਦੋਵੇਂ ਖਾਨ ਇਕੱਠੇ ਨਜ਼ਰ ਆ ਸਕਦੇ ਹਨ।
ਇਸ ਵੈੱਬ ਸੀਰੀਜ਼ 'ਚ ਆਉਣਗੇ ਨਜ਼ਰ
ਆਰੀਅਨ ਖਾਨ ਦੇ ਸ਼ੋਅ ਸਟਾਰਡਮ ਦੀ ਗੱਲ ਕਰੀਏ ਤਾਂ ਇਹ ਛੇ ਐਪੀਸੋਡ ਦੀ ਲੜੀ ਹੈ ਅਤੇ ਇਸ ਵਿੱਚ ਮੋਨਾ ਸਿੰਘ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ। ਇਸ ਤੋਂ ਪਹਿਲਾਂ ਦਰਸ਼ਕਾਂ ਨੇ ਸ਼ਾਹਰੁਖ ਖਾਨ ਤੇ ਸਲਮਾਨ ਖਾਨ ਨੂੰ ਦੋ ਵਾਰ ਪਠਾਨ ਅਤੇ ਟਾਈਗਰ 3 ਵਿੱਚ ਇਕੱਠੇ ਦੇਖਿਆ ਸੀ। ਸ਼ਾਹਰੁਖ ਆਪਣੇ 2023 ਦੇ ਬਲਾਕਬਸਟਰ ਨਾਲ YRF ਦੀ ਜਾਸੂਸੀ ਦੀ ਦੁਨੀਆ ਵਿੱਚ ਸ਼ਾਮਲ ਹੁੰਦਾ ਹੈ ਅਤੇ ਸੰਭਾਵਨਾਵਾਂ ਹਨ ਕਿ ਅਸੀਂ ਉਸ ਨੂੰ ਭਵਿੱਖ ਦੀਆਂ ਜਾਸੂਸੀ ਫਿਲਮਾਂ ਵਿੱਚ ਦੁਬਾਰਾ ਦੇਖ ਸਕਦੇ ਹਾਂ।
ਹੋਰ ਪੜ੍ਹੋ : ਆਰ ਨੇਤ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ, ਗਾਇਕ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ
ਸ਼ਾਹਰੁਖ ਖਾਨ ਅਗਲੀ ਵਾਰ ਸੁਜੋਏ ਘੋਸ਼ ਦੀ ਫਿਲਮ 'ਕਿੰਗ' 'ਚ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਖਾਨ ਵੀ ਨਜ਼ਰ ਆਵੇਗੀ। 2026 'ਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਇਸ ਥ੍ਰਿਲਰ ਫਿਲਮ 'ਚ ਅਭਿਸ਼ੇਕ ਬੱਚਨ ਵਿਲੇਨ ਦੀ ਭੂਮਿਕਾ ਨਿਭਾਅ ਸਕਦੇ ਹਨ। ਦੂਜੇ ਪਾਸੇ ਸਲਮਾਨ ਖਾਨ ਇਨ੍ਹੀਂ ਦਿਨੀਂ ਫਿਲਮ 'ਸਿਕੰਦਰ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਇਹ ਇਸ ਸਾਲ ਈਦ 2025 'ਤੇ ਰਿਲੀਜ਼ ਹੋਵੇਗੀ। ਏ ਆਰ ਮੁਰੁਗਦੌਸ ਵੱਲੋਂ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਰਸ਼ਮਿਕਾ ਮੰਡਾਨਾ ਅਤੇ ਸਤਿਆਰਾਜ ਵੀ ਨਜ਼ਰ ਆਉਣਗੇ।
