ਅੱਜ ਡ੍ਰੀਮ ਗਰਲ ਹੇਮਾ ਮਾਲਿਨੀ (Hema Malini) ਦਾ ਜਨਮ ਦਿਨ (Birthday) ਹੈ । ਅਦਾਕਾਰਾ ਦੇ ਜਨਮ ਦਿਨ ‘ਤੇ ਅੱਜ ਅਸੀਂ ਤੁਹਾਨੂੰ ਉਸ ਦੀ ਜ਼ਿੰਦਗੀ ਦੇ ਨਾਲ ਜੁੜਿਆ ਦਿਲਚਸਪ ਕਿੱਸਾ ਦੱਸਣ ਜਾ ਰਹੇ ਹਾਂ । ਜਿਸ ਬਾਰੇ ਸੁਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ ।ਇਹ ਗੱਲ ਉਦੋਂ ਦੀ ਹੈ ਜਦੋਂ ਹੇਮਾ ਮਾਲਿਨੀ ਨਵੀਂ ਨਵੀਂ ਮੁੰਬਈ ‘ਚ ਸ਼ਿਫਟ ਹੋਈ ਸੀ ।ਉਸ ਦੌਰਾਨ ਅਦਾਕਾਰਾ ਦੇ ਨਾਲ ਅਜੀਬ ਘਟਨਾਵਾਂ ਵਾਪਰੀਆਂ ਸਨ । ਜਿਸ ਦਾ ਅਹਿਸਾਸ ਉਸ ਨੂੰ ਹੁੰਦਾ ਹੈ ਤਾਂ ਉਹ ਖੌਫਜ਼ਦਾ ਹੋ ਜਾਂਦੀ ਹੈ।
ਹੋਰ ਪੜ੍ਹੋ : ਕੌਰ ਬੀ ਕੋਲ ਫੁੱਟਵਿਅਰ ਅਤੇ ਕੱਪੜਿਆਂ ਦੀ ਹੈ ਵੱਡੀ ਕਲੈਕਸ਼ਨ, ਫੈਨਸ ਨੇ ਕਿਹਾ ‘ਦੁਕਾਨ ਖੋਲ੍ਹ ਲਓ’ ਗਾਇਕਾ ਨੇ ਦਿੱਤਾ ਰਿਐਕਸ਼ਨ
ਅਦਾਕਾਰਾ ਨੇ ਇਸ ਬਾਰੇ ਆਪਣੀ ਇੱਕ ਇੰਟਰਵਿਊ ‘ਚ ਖੁਲਾਸਾ ਕੀਤਾ ਸੀ।ਹੇਮਾ ਮਾਲਿਨੀ ਦਾ ਕਹਿਣਾ ਸੀ ਕਿ ਜਿਸ ਵੇਲੇ ਉਹ ਰਾਤ ਨੁੰ ਸੌਂਦੀ ਸੀ ਤਾਂ ਉਸ ਨੂੰ ਅਜਿਹਾ ਲੱਗਦਾ ਸੀ ਕਿ ਉਸ ਦਾ ਕੋਈ ਗਲਾ ਦਬਾ ਰਿਹਾ ਹੈ ਅਤੇ ਅਜਿਹੇ ‘ਚ ਅਦਕਾਰਾ ਨੂੰ ਰਾਤ ਸਮੇਂ ਸੌਣ ਤੋਂ ਵੀ ਡਰ ਲੱਗਦਾ ਸੀ। ਅਦਾਕਾਰਾ ਦਾ ਕਹਿਣਾ ਸੀ ਕਿ ਉਸ ਵੇਲੇ ਉਹ ਸਪਨੋਂ ਕਾ ਸੌਦਾਗਰ ਫ਼ਿਲਮ ਦੀ ਸ਼ੂਟਿੰਗ ਕਰ ਰਹੀ ਸੀ ਅਤੇ ਉਹ ਮਾਨਵੇਂਦਰ ਅਪਾਰਟਮੈਂਟ ‘ਚ ਰਹਿੰਦੀ ਸੀ, ਪਰ ਇਹ ਬੰਗਲਾ ਭੂਤੀਆ ਬੰਗਲਾ ਸਾਬਿਤ ਹੋਇਆ ।
ਜਿਸ ਤੋਂ ਬਾਅਦ ਅਦਾਕਾਰਾ ਆਪਣੇ ਨਾਲ ਹੋਣ ਵਾਲੀਆਂ ਘਟਨਾਵਾਂ ਕਾਰਨ ਘਬਰਾਉਣ ਲੱਗ ਪਈ ਸੀ ਇਸੇ ਡਰ ਦੇ ਚੱਲਦਿਆਂ ਉਸ ਨੇ ਘਰ ਜਲਦ ਹੀ ਖਾਲੀ ਕਰ ਦਿੱਤਾ ਸੀ । ਇਸੇ ਘਰ ‘ਚ ਵਿਆਹ ਦੀ ਗੱਲ ਕਰਨ ਦੇ ਲਈ ਹੇਮਾ ਮਾਲਿਨੀ ਨੇ ਇਸੇ ਘਰ ‘ਚ ਬੁਲਾਇਆ ਸੀ।
ਹੇਮਾ ਮਾਲਿਨੀ ਦਾ ਵਰਕ ਫ੍ਰੰਟ
ਹੇਮਾ ਮਾਲਿਨੀ ਦੇ ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਉਹ ਪਿਛਲੇ ਕਈ ਦਹਾਕਿਆਂ ਤੋਂ ਬਾਲੀਵੁੱਡ ਫ਼ਿਲਮ ਇੰਡਸਟਰੀ ‘ਚ ਸਰਗਰਮ ਹਨ ਅਤੇ ਇੱਕ ਤੋਂ ਬਾਅਦ ਇੱਕ ਹਿੱਟ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਦੇ ਆ ਰਹੇ ਹਨ। ਉਨ੍ਹਾਂ ਨੇ ਸੀਤਾ ਔਰ ਗੀਤਾ, ਸ਼ੋਅਲੇ, ਡ੍ਰੀਮ ਗਰਲ ਸਣੇ ਕਈ ਹਿੱਟ ਫ਼ਿਲਮਾਂ ‘ਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਧਰਮਿੰਦਰ ਦੇ ਨਾਲ ਵਿਆਹ ਕਰਵਾਇਆ ਹੈ। ਜਿਸ ਤੋਂ ਉਨ੍ਹਾਂ ਦੀਆਂ ਦੋ ਧੀਆਂ ਅਹਾਨਾ ਅਤੇ ਈਸ਼ਾ ਦਿਓਲ ਹਨ ।
