Neena Gupta Pic with Masaba Daughter : ਮਸਾਬਾ ਗੁਪਤਾ ਨੇ ਸ਼ੁੱਕਰਵਾਰ ਨੂੰ ਬੇਟੀ ਨੂੰ ਜਨਮ ਦਿੱਤਾ। ਮਸਾਬਾ ਅਤੇ ਪਤੀ ਸਤਿਆਦੀਪ ਮਿਸ਼ਰਾ ਦਾ ਇਹ ਪਹਿਲਾ ਬੱਚਾ ਹੈ। ਨੀਨਾ ਗੁਪਤਾ ਨਾਨੀ ਬਣ ਗਈ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ ਬਾਰੇ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਹੈ।
ਨੀਨਾ ਗੁਪਤਾ ਅਤੇ ਵਿਵੀਅਨ ਰਿਚਰਡਸ ਦੀ ਬੇਟੀ ਮਸਾਬਾ ਗੁਪਤਾ ਮਾਂ ਬਣ ਗਈ ਹੈ। ਸ਼ੁੱਕਰਵਾਰ ਯਾਨੀ 11 ਅਕਤੂਬਰ ਨੂੰ ਮਸਾਬਾ ਤੇ ਸਤਿਆਦੀਪ ਨੇ ਘਰ ਬੇਟੀ ਦਾ ਜਨਮ ਹੋਇਆ। ਨੀਨਾ ਗੁਪਤਾ ਨੇ ਨਾਨੀ ਬਨਣ 'ਤੇ ਖੁਸ਼ੀ ਜ਼ਾਹਰ ਕੀਤੀ ਹੈ।
ਹਾਲ ਹੀ ਵਿੱਚ ਨੀਨਾ ਗੁਪਤਾ ਨੇ ਆਪਣੀ ਦੋਹਤੀ ਨਾਲ ਇੰਸਟਾਗ੍ਰਾਮ 'ਤੇ ਪ੍ਰਸ਼ੰਸਕਾਂ ਨੂੰ ਬੱਚੀ ਦੀ ਪਹਿਲੀ ਝਲਕ ਦਿਖਾਈ ਅਤੇ ਇੱਕ ਖੂਬਸੂਰਤ ਸੰਦੇਸ਼ ਵੀ ਲਿਖਿਆ।
ਨੀਨਾ ਗੁਪਤਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ਤੋਂ ਇਕ ਪੋਸਟ ਸ਼ੇਅਰ ਕੀਤੀ ਹੈ। ਤਸਵੀਰ 'ਚ ਉਹ ਬੱਚੀ ਨਾਲ ਨਜ਼ਰ ਆ ਰਹੀ ਹੈ। ਫੋਟੋ ਵਿੱਚ ਬੱਚੀ ਦਾ ਚਿਹਰਾ ਨਜ਼ਰ ਨਹੀਂ ਆ ਰਿਹਾ ਹੈ। ਨੀਨਾ ਗੁਪਤਾ ਆਪਣੀ ਬੇਟੀ ਨੂੰ ਬੜੇ ਪਿਆਰ ਨਾਲ ਦੇਖ ਰਹੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਲਿਖਿਆ ਹੈ, 'ਮੇਰੀ ਬੇਟੀ ਦੀ ਬੇਟੀ- ਰੱਬ ਰਾਖਾ '।
ਸੈਲਬਸ ਨੇ ਦਿੱਤੀ ਵਧਾਈ
ਫੈਨਜ਼ ਨੀਨਾ ਗੁਪਤਾ ਦੀ ਪੋਸਟ ਨੂੰ ਕਈ ਬਾਲੀਵੁੱਡ ਸੈਲਬਸ ਅਤੇ ਫੈਨਜ਼ ਪਸੰਦ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਉਹ ਨੀਨਾ ਗੁਪਤਾ ਨੂੰ ਨਾਨੀ ਬਨਣ ਉੱਤੇ ਵਧਾਈਆਂ ਦੇ ਰਹੇ ਹਨ। ਇਸ ਤੋਂ ਇਲਾਵਾ ਫਿਲਮ ਜਗਤ ਦੀਆਂ ਮਸ਼ਹੂਰ ਹਸਤੀਆਂ ਵੀ ਬੱਚੀ ਨੂੰ ਆਸ਼ੀਰਵਾਦ ਦੇ ਰਹੀਆਂ ਹਨ। ਭੂਮੀ ਪੇਡਨੇਕਰ ਤੋਂ ਲੈ ਕੇ ਰਕੁਲਪ੍ਰੀਤ ਤੋਂ ਲੈ ਕੇ ਕੋਂਕਣਾ ਸੇਨ ਸ਼ਰਮਾ ਅਤੇ ਦੀਆ ਮਿਰਜ਼ਾ ਤੱਕ ਸਾਰਿਆਂ ਨੇ ਨੀਨਾ ਗੁਪਤਾ ਨੂੰ ਵਧਾਈ ਦਿੱਤੀ ਹੈ।
ਹੋਰ ਪੜ੍ਹੋ : ਦਿਲਜੀਤ ਦੋਸਾਂਝ ਨੇ ਆਪਣੀ ਨਵੀਂ ਐਲਬਮ 'Legacy' ਦਾ ਕੀਤਾ ਐਲਾਨ, ਜਲਦ ਹੀ ਰਿਲੀਜ਼ ਹੋਵੇਗੀ ਗਾਇਕ ਦੀ ਐਲਬਮ
ਫੈਸ਼ਨ ਡਿਜ਼ਾਈਨਰ ਹੈ ਮਸਾਬਾ ਗੁਪਤਾ
ਮਸਾਬਾ ਗੁਪਤਾ ਨੇ ਸਾਲ 2023 ਵਿੱਚ ਸੱਤਿਆਦੀਪ ਮਿਸ਼ਰਾ ਨਾਲ ਵਿਆਹ ਕੀਤਾ ਸੀ। ਜੋੜੇ ਦੇ ਪਰਿਵਾਰ ਵਿੱਚ ਪਹਿਲੀ ਬੱਚੀ ਦੇ ਰੂਪ ਵਿੱਚ ਇੱਕ ਧੀ ਨੇ ਜਨਮ ਲਿਆ ਹੈ।
ਮਸਾਬਾ ਨੀਨਾ ਗੁਪਤਾ ਅਤੇ ਵੈਸਟਇੰਡੀਜ਼ ਦੇ ਸਾਬਕਾ ਕ੍ਰਿਕਟਰ ਵਿਵਿਅਨ ਰਿਚਰਡ ਦੀ ਬੇਟੀ ਹੈ। ਉਨ੍ਹਾਂ ਦਾ ਜਨਮ ਸਾਲ 1989 'ਚ ਹੋਇਆ ਸੀ। ਮਸਾਬਾ ਪੇਸ਼ੇ ਤੋਂ ਫੈਸ਼ਨ ਡਿਜ਼ਾਈਨਰ ਹੈ। ਸਤਿਆਦੀਪ ਮਿਸ਼ਰਾ ਤੋਂ ਪਹਿਲਾਂ ਮਸਾਬਾ ਦਾ ਪਹਿਲਾ ਵਿਆਹ ਨਿਰਮਾਤਾ ਮਧੂ ਮੰਟੇਨਾ ਨਾਲ ਹੋਇਆ ਸੀ, ਹਾਲਾਂਕਿ ਇਹ ਵਿਆਹ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ ਅਤੇ ਦੋਹਾਂ ਦਾ ਤਲਾਕ ਹੋ ਗਿਆ।
