ਨਰਾਤਿਆਂ ਦਾ ਅੱਜ ਅਖੀਰਲਾ ਦਿਨ ਹੈ। ਬਾਲੀਵੁੱਡ ਇੰਡਸਟਰੀ ਦੇ ਸਿਤਾਰੇ ਵੀ ਮਾਂ ਦੇ ਨੌ ਰੂਪਾਂ ਦੀ ਪੂਜਾ ਕਰ ਰਹੇ ਹਨ । ਅਦਾਕਾਰਾ ਕਾਜੋਲ ਵੀ ਨਰਾਤਿਆਂ ‘ਚ ਮਾਂ ਦੇ ਨੌ ਰੂਪਾਂ ਦੀ ਪੂਜਾ ਕਰਦੀ ਹੈ । ਕਾਜੋਲ (Kajol) ਦੇ ਕਈ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੇ ਹਨ । ਜਿਸ ‘ਚ ਅਦਾਕਾਰਾ ਦੁਰਗਾ ਪੂਜਾ ‘ਚ ਆਉਣ ਵਾਲੇ ਮਹਿਮਾਨਾਂ ਦਾ ਸੁਆਗਤ ਕਰਦੀ ਹੋਈ ਦਿਖਾਈ ਦੇ ਰਹੀ ਹੈ। ਪਰ ਇਸੇ ਦੌਰਾਨ ਕੁਝ ਅਜਿਹਾ ਹੁੰਦਾ ਹੈ ਕਿ ਉਸ ਨੂੰ ਗੁੱਸਾ ਆ ਜਾਂਦਾ ਹੈ। ਦਰਅਸਲ ਪੰਡਾਲ ‘ਚ ਭੀੜ ਨੁੰ ਕਾਬੂ ਕਰਨ ਦੇ ਲਈ ਇੱਕ ਸ਼ਖਸ ਵਾਰ-ਵਾਰ ਸੀਟੀ ਵਜਾ ਰਿਹਾ ਸੀ ।
_ea8cf40565d969ac47a52d5242cd051f_1280X720.webp)
ਜਿਸ ਤੋਂ ਬਾਅਦ ਅਦਾਕਾਰਾ ਨੂੰ ਗੁੱਸਾ ਚੜ੍ਹ ਜਾਂਦਾ ਹੈ ਅਤੇ ਉਹ ਪੁੱਛਦੀ ਹੈ ਕਿ ਇਹ ਸੀਟੀ ਕੌਣ ਵਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਅਦਾਕਾਰਾ ਖੁਦ ਵੀ ਪੰਡਾਲ ਚੋਂ ਭੀੜ ਨੂੰ ਪਾਸੇ ਕਰਦੀ ਹੋਈ ਨਜ਼ਰ ਆ ਰਹੀ ਹੈ। ਸੋਸ਼ਲ ਮੀਡੀਆ ‘ਤੇ ਅਦਾਕਾਰਾ ਦੇ ਕਈ ਵੀਡੀਓਜ਼ ਵਾਇਰਲ ਹੋ ਰਹੇ ਹਨ ।
ਕਈ ਸੈਲੀਬ੍ਰੇਟੀਜ਼ ਵੀ ਪੁੱਜੇ
ਇਸ ਪੂਜਾ ‘ਚ ਸੈਲੀਬ੍ਰੇਟੀਜ਼ ਦੀਆਂ ਕਈ ਹਸਤੀਆਂ ਵੀ ਪਹੁੰਚੀਆਂ। ਜਿਸ ‘ਚ ਅਦਾਕਾਰਾ ਰਾਣੀ ਮੁਖਰਜੀ, ਜਯਾ ਬੱਚਨ ਸਣੇ ਕਈ ਹਸਤੀਆਂ ਸ਼ਾਮਿਲ ਹਨ । ਜਿਨ੍ਹਾਂ ਨੇ ਮਾਂ ਦੁਰਗਾ ਦੀ ਪੂਜਾ ‘ਚ ਹਾਜ਼ਰੀ ਲਵਾਈ ।ਕਾਜੋਲ ਦਾ ਇੱਕ ਵੀਡੀਓ ਰਾਣੀ ਮੁਖਰਜੀ ਦੇ ਨਾਲ ਵੀ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਉਹ ਰਾਣੀ ਮੁਖਰਜੀ ਦੇ ਨਾਲ ਹਾਸਾ ਮਜ਼ਾਕ ਕਰਦੀ ਹੋਈ ਦਿਖਾਈ ਦੇ ਰਹੀ ਹੈ। ਇਸ ਤੋਂ ਇਲਾਵਾ ਜਯਾ ਬੱਚਨ ਦੇ ਨਾਲ ਵੀ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ‘ਚ ਅਦਾਕਾਰਾ ਪੰਡਾਲ ‘ਚ ਵਜਾਈ ਜਾ ਰਹੀ ਸੀਟੀ ਤੋਂ ਪ੍ਰੇਸ਼ਾਨ ਦਿਖਾਈ ਦਿੱਤੀ ਅਤੇ ਉਸ ਨੇ ਕਈਆਂ ਨੂੰ ਡਾਂਟ ਵੀ ਲਗਾ ਦਿੱਤੀ ।
