Dilip Kumar Saira Banu Wedding Anniversary : 90 ਦੇ ਦਹਾਕੇ ਦੀ ਮਸ਼ਹੂਰ ਜੋੜੀ ਦਿਲੀਪ ਕੁਮਾਰ ਤੇ ਸਾਇਰਾ ਬਾਨੋ ਦੇ ਵਿਆਹ ਦੀ ਵਰ੍ਹੇਗੰਢ ਅੱਜ ਹੈ। ਇਸ ਖਾਸ ਮੌਕੇ ਉੱਤੇ ਸਾਇਰਾ ਬਾਨੋ ਨੇ ਆਪਣੇ ਸਾਹਿਬ ਦਿਲੀਪ ਕੁਮਾਰ ਨੂੰ ਯਾਦ ਕੀਤਾ। ਆਓ ਜਾਣਦੇ ਹਾਂ ਦੋਹਾਂ ਦੀ ਪ੍ਰੇਮ ਕਹਾਣੀ ਬਾਰੇ ਕਿੰਝ ਸਾਇਰਾ ਬਾਨੋ ਦਿਲੀਪ ਕੁਮਾਰ ਦੀ ਪਤਨੀ ਬਣੀ।
ਸਾਇਰਾ ਇੰਸਟਾਗ੍ਰਾਮ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਅਕਸਰ ਆਪਣੇ ਪੁਰਾਣ ਦਿਨਾਂ ਦੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਅਦਾਕਾਰਾ ਨੂੰ ਅਕਸਰ ਫਿਲਮ ਇੰਡਸਟਰੀ ਨਾਲ ਜੁੜੇ ਲੋਕਾਂ ਨਾਲ ਆਪਣੇ ਕਰੀਅਰ ਅਤੇ ਕਹਾਣੀਆਂ ਬਾਰੇ ਗੱਲ ਕਰਦੇ ਦੇਖਿਆ ਜਾਂਦਾ ਹੈ। ਅੱਜ ਆਪਣੀ ਵਿਆਹ ਦੀ ਵਰ੍ਹੇਗੰਢ 'ਤੇ ਉਨ੍ਹਾਂ ਨੇ ਆਪਣੇ ਵਿਆਹ ਦੀਆਂ ਕੁਝ ਦਿਲਚਸਪ ਗੱਲਾਂ ਸਾਂਝੀਆਂ ਕੀਤੀਆਂ ਹਨ। ਉਸਨੇ ਦੱਸਿਆ ਕਿ ਉਸਦੇ ਵਿਆਹ ਵਿੱਚ ਪ੍ਰਸ਼ੰਸਕਾਂ ਦੀ ਭੀੜ ਇਕੱਠੀ ਹੋ ਗਈ ਸੀ। ਉਸ ਨੇ ਹੋਰ ਵੀ ਕਈ ਦਿਲਚਸਪ ਗੱਲਾਂ ਦੱਸੀਆਂ ਹਨ।
'ਟਰੈਜਡੀ ਕਿੰਗ' ਦੇ ਨਾਂ ਨਾਲ ਮਸ਼ਹੂਰ ਦਿਲੀਪ ਕੁਮਾਰ ਅਤੇ ਸਾਇਰਾ ਬਾਨੋ ਦਾ ਵਿਆਹ ਨਵੰਬਰ ਮਹੀਨੇ 'ਚ ਹੋਣਾ ਸੀ ਪਰ ਕੁਝ ਕਾਰਨਾਂ ਕਰਕੇ ਇਹ ਵਿਆਹ 11 ਅਕਤੂਬਰ 1966'ਚ ਹੋ ਗਿਆ ਅਤੇ ਇਸ ਦੀਆਂ ਤਿਆਰੀਆਂ ਜਲਦਬਾਜ਼ੀ 'ਚ ਕੀਤੀਆਂ ਗਈਆਂ। ਸਾਇਰਾ ਬਾਨੋ ਨੇ ਅੱਜ ਆਪਣੇ ਇੰਸਟਾਗ੍ਰਾਮ ਪੋਸਟ 'ਚ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ। ਸਾਇਰਾ ਬਾਨੋ ਨੇ ਲਿਖਿਆ ਹੈ ਕਿ ਮੈਂ ਤੁਹਾਡੇ ਨਾਲ ਆਪਣੇ ਸੁਪਨਿਆਂ ਦੇ ਵਿਆਹ ਬਾਰੇ ਕੁਝ ਗੱਲਾਂ ਸਾਂਝੀਆਂ ਕਰ ਰਹੀ ਹਾਂ, ਜੋ 58 ਸਾਲ ਪਹਿਲਾਂ ਹੋਇਆ ਸੀ। 'ਦੋ ਤਾਰਿਆਂ ਦੀ ਮੁਲਾਕਾਤ ਜ਼ਮੀਨ 'ਤੇ ਹੈ, ਇਹ ਰਾਤ ਦੀ ਮੁਲਾਕਾਤ ਹੈ', ਇਹ ਗੀਤ ਸਾਰੀ ਰਾਤ ਰੇਡੀਓ 'ਤੇ ਵੱਜਦਾ ਰਿਹਾ।
ਸਾਇਰਾ ਬਾਨੋ ਨੇ ਸਾਂਝਾ ਕੀਤਾ ਆਪਣੇ ਵਿਆਦ ਦਾ ਕਿੱਸਾ
ਸਾਇਰਾ ਬਾਨੋ ਨੇ ਅੱਗੇ ਲਿਖਿਆ, 'ਉਹ ਅਜਿਹਾ ਦਿਨ ਸੀ ਜਿਸ ਨੂੰ ਮੈਂ ਕਦੇ ਖਤਮ ਨਹੀਂ ਕਰਨਾ ਚਾਹੁੰਦੀ ਸੀ। ਜੇ ਕੋਈ ਮੈਨੂੰ ਕਹਿੰਦਾ, 'ਸਾਇਰਾ, ਤੇਰੇ ਕੋਲ ਅਸਲੀ ਖੰਭ ਹਨ, ਤੂੰ ਉੱਡ ਸਕਦੀ ਹੈਂ,' ਤਾਂ ਮੈਂ ਬਿਨਾਂ ਝਿਜਕ ਉਨ੍ਹਾਂ 'ਤੇ ਵਿਸ਼ਵਾਸ ਕਰ ਲਿਆ ਹੁੰਦਾ। ਉਸ ਦਿਨ ਸਭ ਕੁਝ ਅਸਲੀ ਲੱਗ ਰਿਹਾ ਸੀ। ਸਾਇਰਾ ਬੇਨ ਨੇ ਦੱਸਿਆ ਕਿ ਉਨ੍ਹਾਂ ਦੇ ਵਿਆਹ ਦਾ ਪਹਿਰਾਵਾ ਸਥਾਨਕ ਦਰਜ਼ੀ ਦੁਆਰਾ ਬਣਾਇਆ ਗਿਆ ਸੀ। ਅਦਾਕਾਰਾ ਨੇ ਲਿਖਿਆ, 'ਸਾਡਾ ਵਿਆਹ ਜਿੰਨਾ ਖੂਬਸੂਰਤ ਸੀ, ਓਨਾ ਹੀ ਹਫੜਾ-ਦਫੜੀ ਵਾਲਾ ਸੀ। ਮੇਰੇ ਵਿਆਹ ਦਾ ਲਹਿੰਗਾ ਇੱਕ ਸਥਾਨਕ ਦਰਜ਼ੀ ਨੇ ਤਿਆਰ ਕੀਤਾ ਸੀ। ਸਾਡੇ ਕੋਲ ਆਪਣੇ ਵਿਆਹ ਦੇ ਕਾਰਡਾਂ ਨੂੰ ਛੁਪਾਉਣ ਦਾ ਸਮਾਂ ਵੀ ਨਹੀਂ ਸੀ ਕਿਉਂਕਿ ਸਭ ਕੁਝ ਇੰਨੀ ਜਲਦੀ ਹੋ ਗਿਆ ਸੀ, ਅਤੇ ਮੈਂ ਇਸ ਦੇ ਲਈ ਪਰਮੇਸ਼ੁਰ ਦਾ ਧੰਨਵਾਦੀ ਹਾਂ। ਜੇਕਰ ਸਾਡੇ ਕੋਲ ਹੋਰ ਸਮਾਂ ਹੁੰਦਾ ਤਾਂ ਮੇਰੀ ਮਾਂ ਨਸੀਮ ਬਾਨੋ ਨੇ ਕੋਈ ਕਸਰ ਨਹੀਂ ਛੱਡੀ ਹੁੰਦੀ। ਡਿਜ਼ਾਈਨਰਾਂ ਤੋਂ ਲੈ ਕੇ ਗਹਿਣਿਆਂ ਤੱਕ।
ਸਾਇਰਾ ਬਾਨੋ ਨੇ ਅੱਗੇ ਲਿਖਿਆ, 'ਸਾਡਾ ਨਿਕਾਹ ਅਸਲ ਵਿੱਚ ਨਵੰਬਰ ਵਿੱਚ ਹੋਣ ਵਾਲਾ ਸੀ, ਪਰ ਕੁਝ ਕਾਰਨਾਂ ਕਰਕੇ ਸਾਨੂੰ ਸਭ ਕੁਝ ਜਲਦੀ ਕਰਨਾ ਪਿਆ। ਦਿਲੀਪ ਸਾਹਬ ਨੇ ਕਲਕੱਤੇ ਤੋਂ ਮੇਰੀ ਮਾਂ ਨੂੰ ਬੁਲਾਇਆ ਤੇ ਕਿਹਾ, 'ਕਿਸੇ ਮੌਲਵੀ ਨੂੰ ਬੁਲਾ ਕੇ ਨਿਕਾਹ ਕਰਵਾਓ।' ਸਾਇਰਾ ਬਾਨੋ ਨੇ ਅੱਗੇ ਲਿਖਿਆ, 'ਦਿਲੀਪ ਸਾਹਬ ਅਤੇ ਮੈਂ ਬਹੁਤ ਨੇੜੇ ਰਹਿੰਦੇ ਸੀ। ਜਦੋਂ ਵਿਆਹ ਵੇਲੇ ਦਿਲੀਪ ਸਾਹਬ ਬਰਾਤ ਲੈ ਕੇ ਮੇਰੇ ਬੰਗਲੇ ਕੋਲ ਪਹੁੰਚਿਆ ਤਾਂ ਘੋੜੀ ਢਲਾਣ ਤੋਂ ਹੇਠਾਂ ਜਾਣ ਲੱਗੀ, ਜਿਸ ਕਾਰਨ ਘੋੜੀ ਨਾਲ ਲੱਗੀ ਛੱਤਰੀ ਸਾਹਿਬ ਦੇ ਸਿਹਰੇ 'ਤੇ ਨਾਲ ਖਿਹਿੰਦੀ ਰਹੀ। ਜਿਵੇਂ ਹੀ ਅਸੀਂ ਵਿਆਹ ਦੀਆਂ ਰਸਮਾਂ ਨਾਲ ਅੱਗੇ ਵਧੇ, ਪ੍ਰਸ਼ੰਸਕਾਂ ਦੀ ਇੱਕ ਵੱਡੀ ਭੀੜ ਮੇਰੇ ਘਰ ਪਹੁੰਚ ਗਈ। ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਸ ਦੇ ਚਹੇਤੇ ਅਦਾਕਾਰ ਦਾ ਵਿਆਹ ਹੋ ਰਿਹਾ ਹੈ।
ਹੋਰ ਪੜ੍ਹੋ : ਸਲਮਾਨ ਖਾਨ ਨੇ ਮਰਹੂਮ ਗਾਇਕ ਵਾਜਿਦ ਖਾਨ ਨੂੰ ਉਨ੍ਹਾਂ ਦੇ ਜਨਮਦਿਨ 'ਤੇ ਕੀਤਾ ਯਾਦ, ਗਾਇਕ ਦੇ ਭਰਾ ਸਾਜਿਦ ਖਾਨ ਨਾਲ ਸਾਂਝੀ ਕੀਤੀ ਤਸਵੀਰ
ਅਭਿਨੇਤਰੀ ਨੇ ਅੱਗੇ ਲਿਖਿਆ, 'ਉੱਥੇ ਇੰਨੇ ਲੋਕ ਸਨ ਕਿ ਮੈਨੂੰ, ਯਾਨੀ ਕਿ ਦੁਲਹਨ ਨੂੰ ਨਿਕਾਹ ਦੀ ਰਸਮ ਕਰਨ ਲਈ ਉਪਰਲੀ ਮੰਜ਼ਿਲ ਤੋਂ ਹੇਠਾਂ ਉਤਰਨ ਲਈ ਦੋ ਘੰਟੇ ਲੱਗ ਗਏ। ਤੁਹਾਨੂੰ ਯਕੀਨ ਨਹੀਂ ਹੋਵੇਗਾ, ਪਰ ਇੱਥੇ ਭੋਜਨ ਦੀ ਕਮੀ ਸੀ। ਕਲਪਨਾ ਕਰੋ, ਇੱਕ ਮਹਾਨ ਸਿਤਾਰੇ ਦੇ ਵਿਆਹ ਵਿੱਚ ਭੋਜਨ ਦੀ ਕਮੀ ਹੋ ਗਈ ਸੀ। ਬਿਨਾਂ ਬੁਲਾਏ ਮਹਿਮਾਨ ਤੇ ਪ੍ਰਸ਼ੰਸਕ ਖੁਦ ਇਕੱਠੇ ਹੋ ਗਏ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਜੋ ਵੀ ਮਿਲ ਰਿਹਾ ਸੀ, ਉਹ ਇਕੱਠਾ ਕਰ ਰਹੇ ਸਨ, ਤਾਂ ਜੋ ਉਨ੍ਹਾਂ ਨੂੰ ਯਾਦ ਰਹੇ ਕਿ ਉਹ ਇਸ ਐਕਟਰ ਦੇ ਵਿਆਹ 'ਚ ਗਏ ਸਨ। ਕਈ ਲੋਕ ਤਾਂ ਚਮਚਾ ਚੁੱਕ ਕੇ ਲੈ ਗਏ ਸੀ ਤੇ ਕੋਈ ਕਾਂਟਾ ਚੁੱਕ ਰਿਹਾ ਸੀ। ਇਹ ਇੱਕ ਅਦਭੁਤ ਦਿਨ ਸੀ। ਮੈਂ ਸੱਤਵੇਂ ਸਵਰਗ ਵਿੱਚ ਸੀ। ਸਾਇਰਾ ਬਾਨੋ ਨੇ ਇਹ ਵੀ ਲਿਖਿਆ ਹੈ ਕਿ ਉਨ੍ਹਾਂ ਨੇ ਇਹ ਪੋਸਟ ਹਸਪਤਾਲ ਦੇ ਬੈੱਡ ਤੋਂ ਲਿਖੀ ਹੈ।
